နဂါးမောက်သီးမှာ အဓိကမျိုးစိတ် (၃)မျိုးရှိပါသည်။ အနီရောင်အခွံနှင့် အဖြူရောင်အသား၊ အနီရောင်အခွံနှင့် အနီရောင်အသား၊ အဝါရောင်အခွံနှင့် အဖြူရောင်အသားတို့ဖြစ်ပါသည်။ ယခု ဈေးကွက်အတွင်းတွင် အများဆုံးရောင်းဝယ်စားသုံးနေကြသည့် အသီးမျိုးများမှာ အဖြူရောင်အသားမျိုးနှင့် အနီရောင်အသားမျိုး(၂)မျိုးသာ တွင်တွင်ကျယ်ကျယ် ရောင်းဝယ်စားသုံးကြပါသည်။ နဂါး မောက်သီးသည် ရေဓါတ်၊ အမျှင်ဓါတ် များစွာပါဝင်သော အသီးအမျိုးအစားဖြစ်ပြီး ဆေးဖက်ဝင် ဓာတ်ပစ္စည်းများလည်း ကြွယ်ဝစွာပါဝင်ပါသည်။ ပြည်တွင်းဈေးကွက်တွင် ဇူလိုင်လလောက်မှစပြီး ဈေးကွက်အတွင်းတွင် နဂါးမောက်သီးလှိုင်လှိုင်ပေါ်နေပြီး အရောင်းအဝယ်ဖြစ်နေကြောင်း သိရပါသည်။ ပြည်မြို့အနီးပတ်ဝန်းကျင်မှ နဂါးမောက်သီးများ တစ်နိုင်တစ်ပိုင် စိုက်ပျိုးခြင်းကြောင့် ဈေးကွက်အတွင်းတွင် လုံလုံလောက်လောက် အရောင်းအဝယ် ဖြစ်နေကြပါသည်။ နဂါးမောက်သီးအလုံး အကြီး၊ အသေးပေါ်မူတည်ပြီး ဈေးနှုန်းကွာခြားပြီး တစ်လုံးလျှင် (၇၀၀/၅၀၀/၄၀၀)ကျပ်ဖြင့် အရောင်းအဝယ် ဖြစ်နေကြောင်း သိရှိရပါသည်။
DOCA(ပဲခူး)