ပြည်အနီးအနားတွင် ဇောင်လျားပင်များ အများအပြားတွေ့ရှိရပါသည်။ ဇောင်းလျားပင်တွင် အချိုသီးနှင့် အချဉ်သီးဟူ၍ နှစ်မျိုးရှိပါသည်။ ဇောင်းလျားသီးသည် ဆေးဖက်ဝင်သောသီးနှံတစ်မျိုးဖြစ်ပြီး ဗီတာမင်အေ၊ သတ္တုဓါတ်တို့များစွာ ပါဝင်ပါသည်။ ဇောင်လျားသီးကို သကြားနှင့် စားပေးခြင်းဖြင့် အစာမကြေဖြစ်ခြင်း၊ ရင်ပြည့်ရင်ကယ်ဖြစ်ခြင်းမှ ကင်းဝေးစေပါသည်။ ဟင်းချက်၍လည်းစားသုံးနိုင်ပြီး ငါးပြေမနှင့်ချက်၍စားသုံးလျှင် ကျောက်ကပ်တွင် ကျောက်တည်ခြင်းကို သက်သာစေပါသည်။ ဇောင်လျားသီးအချိုသီးကို ယိုထိုး၍စားသုံးနိုင်ကြောင်း၊ အစိမ်းသီးကို လက်ဖက်သားနှင့်နယ်၍ ချဉ်ငံစပ် စားသုံးနိုင်ကြောင်း၊ ကြယ်ပုံသဏ္ဍာန်ရှိသော ဇောင်လျားသီးကို စားသုံးပေးခြင်းဖြင့် ကျန်းမာရေးနှင့် သင့်တော်ပြီး အသားအရေကိုလည်း စိုပြေစေကြောင်း၊ ဇောင်းလျားသီး ဈေးနှုန်းများအနေဖြင့် တစ်ပိဿာလျှင် (၂၅၀၀)ကျပ်ဖြင့် ရောင်းချကြောင်း သိရပါသည်။
DOCA(ပဲခူး)