ပြည်ပဲဈေးကွက်မှာ လက်လီ/လက်ကား ပဲမျိုးစုံရောင်းဝယ်လျက်ရှိရာ ပြည်ပဝယ်လိုအား ပဲအားလုံး ဈေးကောင်းရနေပြီး ပြည်တွင်းဝယ်လက်ပဲများထဲမှာ ပဲနီပြား၊ ထောပတ်ပဲ၊ ဘိုကိတ်ပဲ စသည့် ပဲများဈေးကောင်းနေသော်လည်း ပဲလွမ်းဖြူသီးနှံမှာ ဈေးအေးဖြင့် ရောင်းဝယ်နေခဲ့ကြပါသည်။ လက်လီ/လက်ကားရောင်းဝယ်နေကြ၍ လက်ကားသမားများ အဝယ်လိုက်သည့်ရက်တွင် အိတ် (၁၀၀)ကျော်ရောင်းချမှုရှိပြီး လက်လီသမားမှာ နေ့စဉ်အဝယ်ရှိ၍ အိတ် (၂၀/၃၀) ပုံမှန် ရောင်းဝယ်မှုဖြစ်ခဲ့ကြပါသည်။ ပဲဈေးအနေဖြင့် ပိဿာ(၂၀)တစ်တင်း (၅၀၀၀၀)ကျပ်ဖြင့်သာ အခြားပဲများ အားလုံးထက် ဈေးအေးရောင်းဝယ်ခဲ့ပါသည်။ ယခင်နှစ်က ဇူလိုင်လအတွင်း ပဲလွမ်းဖြူတစ်တင်း (၃၈၀၀၀)ကျပ်ဖြင့် ရောင်းဝယ်ခဲ့သည့်အတွက် ယခုနှစ်ဈေးအေးနေသည်ဆိုသော်လည်း ယခင်နှစ်ထက် ကျပ်(၁)သောင်းကျော် ပိုရလျက်ရှိကြောင်း သိရပါသည်။
DOCA(ပဲခူး)