ပြည်ပဲမျိုးစုံဈေးကွက်မှာ ပဲကြီးသီးနှံအနေဖြင့် မတ်ပဲ၊ ကုလားပဲသီးနှံများနှင့်ယှဉ်လျှင် ဈေးပိုရလျက်ရှိပြီး ပဲလက်ကျန်ရှိမှုအပေါ်နေ့စဉ် အရောင်းအဝယ်ဖြစ်ခဲ့ကြပါသည်။ ပဲခွဲစက်သမားများ အဓိက ဝယ်ယူနေသလို ရန်ကုန်ဝယ်လက်လည်းရှိသည့်အတွက် အိတ် (၂၀၀/၃၀၀)ကျော် နေ့စဉ် အရောင်းအဝယ်ဖြစ်ခဲ့ကြောင်း သိရပါသည်။ ပဲဈေးနှုန်းမှာ ရွှေကျွန်း တစ်တင်း (၉၇၀၀၀) ကျပ်၊ ကမ်းနား တစ်တင်း (၉၃၀၀၀)ကျပ်ဖြင့် အသီးသီးရောင်းဝယ်နေကြပါသည်။ ပဲကြီးသီးနှံမှာ နှစ်စဉ် အခြားပဲများနှင့်ယှဉ်လျှင် ဈေးကောင်းရသောကြောင့် ယခင်နှစ်က ဇူလိုင်လတွင် တစ်တင်း (၇၅၀၀၀)ကျပ်ဖြင့် ဈေးကွက်အတွင်း ဈေးအမြင့်ဆုံးရလျက်ရှိကာ ယခုနှစ်တွင်လည်း တစ်တင်း ကျပ် (၁)သိန်းနီးပါး အထိရရှိနေတာကြောင့် လှောင်ပဲလက်ကျန်သမားများ ထုတ်ရောင်းချမှုရှိခဲ့ကြကြောင်း သိရပါသည်။
DOCA(ပဲခူး)