မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် ပြည်သူများ အခြေခံစားသောက်ကုန်များကို စျေးနှုန်းချိုသာစွာဝယ်ယူနိုင်ရန်ရည်ရွယ်၍ (၁၂-၇-၂၀၂၃) ရက်နေ့၊ နံနက် (၀၇:၀၀) နာရီအချိန်တွင် အမှတ် (၁၀) ရပ်ကွက်၊ ပတ္တမြားရပ်၊ လမ်းမတော်လမ်း၊ ချောက်မြို့မရဲစခန်းဝန်းရှေ့၌ မြန်မာနိုင်ငံရဲတပ်ဖွဲ့၊ ချောက်ခရိုင်၊ ဒုတိယရဲမှူးကြီး ချမ်းမြေ့ဝင်း၏ကြီးကြပ်မှုဖြင့် ချောက်မြို့မရဲတပ်ဖွဲ့မှူး ဝင်းသန်း၊ ချောက်မြို့မရဲစခန်းမှူး ဒုတိယရဲမှူး ဝင်းဆန်းနှင့် အရာရှိ/အရာခံ၊ အကြပ်/တပ်သားတပ်ဖွဲ့ဝင် အမျိုးသား၊ အမျိုးသမီးများက အခြေခံစားသောက်ကုန်များဖြစ်သည့် ဆန်၊ ဆီ၊ ကြက်ဥ၊ အမဲသား၊ ဝက်သားနှင့် ဟင်းသီးဟင်းရွက်များကို စျေးနှုန်းချိုသာစွာ ပြည်သူများလက်ဝယ်အရောက် အရောက်ဖြန့်ဖြူးရောင်းချပေးခဲ့ကြောင်းသိရပါသည်။
ထိုသို့ရောင်းချရာတွင် ဆန် (၁) ပြည်လျှင် ကျပ် (၂၀၀၀)၊ စားအုန်းဆီ (၁) ပိဿာလျှင် ကျပ် (၆၀၀၀)၊ ကြက်ဥ (၅) လုံးလျှင် ကျပ် (၁၀၀၀)၊ အမဲသား (၁) ပိဿာလျှင် ကျပ် (၁၂၀၀၀)၊ ဝက်သား (၁) ပိဿာလျှင် ကျပ် (၁၂၀၀၀) ဖြင့်ရောင်းချပေးခဲ့ရာ ဒေသခံပြည်သူ (၅၁၁) ဦးလွတ်လပ်စွာဝယ်ယူခဲ့ကြကြောင်းသိရပါသည်။
အခြေခံစားသောက်ကုန်များရောင်းချပေးခြင်းကို ချောက်ခရိုင်၊ စီမံအုပ်ချုပ်ရေးအဖွဲ့ဥက္ကဋ္ဌ ဦးဌေးကျော်၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစိုးလွင်တို့က ကြည့်ရှုအားပေးကူညီခဲ့ကြကြောင်းနှင့် ထိုသို့ရောင်းချပေးရာတွင် မြို့နယ်ဌာနဆိုင်ရာများနှင့်အတူ စားသုံးသူရေးရာဦးစီးဌာန၊ ချောက်မြို့နယ်တာဝန်ခံ၊ ဒေါ်မြတ်မြတ်မိုးက ပူးပေါင်းဆောင်ရွက်ခဲ့ကြောင်းသိရှိရပါသည်။
DOCA(မကွေး)