သာယာဝတီခရိုင်အတွင်း မိုးငရုတ်အထွက်အများဆုံးဖြစ်သော မင်းလှမြို့နယ်နှင့် အုတ်ဖိုမြို့နယ်များမှာ ငရုတ်သီးစိမ်းများလှိုင်လှိုင်ပေါ်လာပြီဖြစ်၍ ငရုတ်သီးစိမ်းများစတင်၍ ခူးဆွတ်ချိန်ဖြစ်သည့် ဇွန်လတွင် ကိုင်းငရုတ်သီးစိမ်း ၁ပိဿာလျှင် (၆၀၀၀) ကျပ်၊ မိုးမျှော် (ပီနံသီး) ၁ပိဿာလျှင် (၈၀၀၀) ကျပ်ခန့်ရှိခဲ့ပြီး ငရုတ်သီးစိမ်းလှိုင်လှိုင်ပေါ်စပြုသော ဇူလိုင်လ၊ ပထမအပတ်တွင် ကိုင်းငရုတ်သီးစိမ်း ၁ပိဿာလျှင် (၄၀၀၀) ကျပ်၊ မိုးမျှော် (ပီနံသီး) ၁ပိဿာလျှင် (၆၀၀၀) ကျပ်ဈေးရှိခဲ့ပြီး ၂၀၂၃ခုနှစ်၊ ဇူလိုင်လ၊ တတိယအပတ်တွင် ငရုတ်သီးစီမ်းများလှိုင်လှိုင်ပေါ်လာပြီဖြစ်ရာ ကိုင်းငရုတ်သီးစိမ်း ၁ပိဿာလျှင် (၂၀၀၀) ကျပ်နှင့် မိုးမျှော်ငရုတ်သီး ပီနံသီးတစ်ပိဿာလျှင် (၅၀၀၀) ကျပ်ဈေးနှုန်းတို့ရှိနေပါသည်။ ငရုတ်သီးစိမ်းဈေးကွက်အနေဖြင့် ငရုတ်သီးစိမ်းလှိုင်လှိုင်ပေါ်နေသော်လည်း ဈေးကွက်အတွင်းသို့ အဝင်နည်းပါးနေကြောင်းသိရှိရပါသည်။ ထိုသို့အဝင်နည်းပါးရခြင်းမှာ စိုက်ဧကနည်းခြင်း၊ သွင်းအားစုဈေးနှုန်းမြင့်မားခြင်းများကြောင့် စိုက်ပျိုးထွက်ရှိမှုနည်းပါးနေရခြင်းဖြစ်ကြောင်းသိရှိရပါသည်။
DOCA(ပဲခူး)