မွန်ပြည်နယ်၊ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မုဒုံမြို့နယ်ရှိ စိုက်ပျိုး၊ မွေးမြူ၊ ထုတ်လုပ်၊ ဖြန့်ဖြူးသူများနှင့်ပူးပေါင်း၍ အခြေခံစားသောက်ကုန်ပစ္စည်းများကို (၂၇-၇-၂၀၂၃) ရက်နေ့တွင် မြို့မဈေး၏အနောက်ဘက်တွင် ဒေသခံပြည်သူများအား ဈေးနှုန်းသက်သာစွာရောင်းချပေးခဲ့ကြောင်းသိရှိရပါသည်။
ထိုသို့ရောင်းချပေးရာတွင် ဆန်တစ်ပြည်လျှင် (၂၄၀၀) ကျပ်၊ စားအုန်းဆီတစ်ပိဿာလျှင် (၅၀၀၀) ကျပ်၊ ကြက်ဥတစ်လုံးလျှင် (၂၅၀) ကျပ်၊ ဝက်သားတစ်ပိဿာလျှင် (၁၃၅၀၀) ကျပ်၊ အမဲသားတစ်ပိဿာလျှင် (၁၃၀၀၀) ကျပ်၊ ဆိတ်သားတစ်ပိဿာလျှင် (၂၁၀၀၀) ကျပ်၊ ကြက်သားတစ်ပိဿာလျှင် (၁၀၀၀၀) ကျပ်၊ ပုစွန်တစ်ပိဿာလျှင် (၂၀၀၀၀) ကျပ်၊ ငါးတန်တစ်ပိဿာလျှင် (၄၅၀၀) ကျပ်၊ ငါးမြစ်ချင်းတစ်ပိဿာလျှင် (၇၄၀၀) ကျပ်၊ ပလာတူးနှင့်ငါးဖမ်းမတစ်ပိဿာလျှင် (၄၀၀၀) ကျပ်၊ ငါးနှပ်တစ်ပိဿာလျှင် (၂၅၀၀) ကျပ်နှင့် ဟင်းသီးဟင်းရွက်အမျိုးမျိုးတို့ကိုရောင်းချပေးခဲ့ကြောင်း သိရှိရပါသည်။
မုဒုံမြို့နယ်အတွင်းရှိ ဒေသခံပြည်သူများအနေဖြင့် သန့်ရှင်းလတ်ဆတ်ပြီး ကျန်းမာရေးနှင့်ညီညွတ်သောစားသောက်ကုန်ပစ္စည်းများကို ပြင်ပဈေးနှုန်းထက်သက်သာစွာဝယ်ယူနိုင်စေရန်ရည်ရွယ်၍ ရောင်းချခြင်းဖြစ်ရာ စားသုံးသူရေးရာဦးစီးဌာန၊ မုဒုံမြို့နယ်တာဝန်ခံက သက်သာသောဈေးနှုန်းဖြင့် စားသုံးဆီရောင်းချနေမှုကို ကြပ်မတ်ကူညီဆောင်ရွက်ပေးခဲ့ကြောင်းသိရှိရပါသည်။
DOCA(မွန်)