တောင်ငူမြို့တွင် အခြေခံစားသောက်ကုန်အချို့ဈေးတက်

       တောင်ငူမြို့ရှိ ကုန်စုံဆိုင်များတွင် မြေပဲဆီများမှာ ယခင်အပတ်က တစ်ပိဿာလျှင် ၁၅၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၇၀၀၀ ကျပ်၊ စားအုန်းဆီမှာ ယခင်အပတ်က တစ်ပိဿာလျှင် ၇၅၀၀ ကျပ်မှ ၇၆၀၀ ကျပ်အထိရှိရာမှ ယခုအပတ်တွင် တစ်ပိဿာလျှင် ၈၇၀၀ ကျပ် အထိ ဈေးနှုန်းမြင့်တက်ပါသည်။

       မြေပဲဆံ(အဖြူ)မှာ ယခင်အပတ်က တစ်ပိဿာလျှင် ၇၅၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၇၈၀၀ ကျပ်မှ ၈၀၀၀ ကျပ်အထိ ဈေးတက်ခဲ့ပြီး မြေပဲဆံအနီမှာ ယခင်အပတ်က တစ်ပိဿာလျှင် ၉၂၀၀ ကျပ်အထိ ဈေးတက်ခဲ့ပြီး ယခုအပတ်တွင် တစ်ပိဿာလျှင် ၈၆၀၀ ကျပ်မှ ၈၈၀၀ ကျပ်အထိဖြင့် ဈေးနှုန်းပြန်လည်ကျဆင်းပါသည်။

      ဂျင်းတက်မှာ ယခင်အပတ်က တစ်ပိဿာလျှင် ၁၀၀၀၀ ကျပ်ရှိရာမှ ယခုအပတ်တွင် တစ် ပိဿာလျှင် ၇၀၀၀ ကျပ်မှ ၈၀၀၀ ကျပ်အထိ ဈေးနှုန်းပြန်လည် ကျဆင်းပါသည်။ လက်ဖက်နှင့် သုပ်စားသော ဂျင်းမှာ ယခင်အပတ်က တစ်ပိဿာလျှင် ၅၆၀၀ ကျပ်မှ ၆၀၀၀ ကျပ်အထိရှိရာမှ ယခု အပတ်တွင် တစ်ပိဿာလျှင် ၆၅၀၀ ကျပ်မှ ၇၀၀၀ ကျပ်အထိ ဈေးနှုန်းမြင့်တက်ပါသည်။

     ကုလားပဲခြမ်းမှာ ယခင်အပတ်က တစ်ပိဿာလျှင် ၅၈၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၆၃၀၀ ကျပ်အထိ ဈေးနှုန်းမြင့်တက်လာပါသည်။ တို့ဟူးကျိုသည့် ပဲမှုန့်မှာ ၂၅ ကျပ်သားတစ်ထုပ်လျှင် ၁၅၀၀ ကျပ်ရှိကြောင်း သိရပါသည်။

DOCA(ပဲခူး)