ပဲခူးတိုင်းဒေသကြီး ၊ နတ်တလင်းခရိုင် ၊ သဲကုန်းမြို့နယ်တွင် သံပုရာစိုက်တောင်သူများစွာရှိပါသည်။ ကျယ်ဝန်းသော ခြံများတွင် အပင်ယုယရမှုနည်းပါးသော သံပုရာကို လွယ်ကူစွာ စိုက်ပျိုးကြသလို အချို့သူများကလည်း ခြံလွတ်များဝယ်ယူကာ လွယ်ကူစွာ ရရှိသော သံပုရာကိုင်းကူးများကို ဝယ်ယူစိုက်ပျိုးခြင်း ဖြစ်ပါသည် ။ သဲကုန်းမြို့နယ်အတွင်း သံပုရာကိုင်းကူးရောင်းချသော လုပ်ငန်းမှာ ဈေးကွက်ကောင်း ၊ ဝင်ငွေကောင်းလျက်ရှိကြောင်း သိရှိရပါသည် ။
သဲကုန်းမြို့နယ်၏ မြေအမျိုးအစားမှာ သဲဆန်သော အမျိုးအစားဖြစ်သဖြင့် သံပုရာပင်စိုက်ပျိုးရန်အတွက် အလွန်သင့်တော်သော မြေအမျိုးအစားဖြစ်ပါသည် ။ သံပုရာခြံများစွာရှိ၍ လက်ကား ကုန်စိမ်းကုန်သည်များ ခြံထဲအထိ ကိုယ်တိုင်ခူးဆွတ်၍ လိုက်လံဝယ်ယူကြပါသည်။ သောင်းပြောင်းရော ရာသံပုရာသီးတစ်လုံးကို နွေရာသီတွင် (၄၀) ကျပ်မှ (၇၀) ကျပ်ထိ ဈေးကောင်းရရှိပြီး မိုးရာသီတွင် (၁၅) ကျပ်မှ (၂၀) ကျပ်သာ ရရှိပါသည်။ထို့ကြောင့် မိုးရာသီတွင် အပင်ကိုင်းကူးပင်တစ်ပင်ရရှိရန် အနည်းဆုံး(၄၅) ရက်ခန့် အချိန် ကြာမြင့်ကြောင်း ၊ သံပုရာပင် ကိုင်းကူးတစ်ပင်လျှင် အနည်းဆုံး (၂၀၀၀) ကျပ် ၊ ကိုင်းသန်အမြစ်သန်လျှင် (၂၅၀၀) ကျပ်မှ (၃၀၀၀) ကျပ်ထိ ဈေးကောင်းရရှိကြောင်း သိရှိရပါသည် ။
DOCA(ပဲခူး)