ပြည်ခရိုင်တွင် ၂၀၂၃-၂၀၂၄ ခုနှစ် ၊ မိုးစပါးလျာထားစိုက်ဧကမှာ (၂၂၆၄၉၆)ဧကလျာထားပြီး အမှန်စိုက်ပျိုးဧကမှာ ဇူလိုင်လကုန်အထိ (၂၂၃၆၈၄)ဧက စိုက်ပျိုးပြီးစီးကြောင်း သိရပါသည်။ စိုက်ပျိုးသည့် စပါးမျိုးများမှာ ဧည့်မထစပါးမျိုး၊ ရတနာတိုးစပါးမျိုး၊ အင်းမရဲဘော်၊ မနောသုခ၊ မှော်ဘီ(၂)၊ ကျော်ဇေယျစပါးမျိုးနှင့် ထိုင်းနှံကောက်စပါးမျိုးတို့အား အများဆုံးစိုက်ပျိုးကြောင်း သိရပါသည်။
ပြည်ခရိုင်၏ ၂၀၂၃ ခုနှစ် ၊ ဇူလိုင်လတွင် စပါး/ဆန်ဈေးနှုန်းအနေဖြင့် နွေစပါးအစိုဓါတ်(၂၂/၂၃%) (၄၆) ပေါင် တင်း(၁၀၀) လျှင် (၁၅၀၀၀၀၀-၁၅၅၀၀၀၀)ကျပ်ထိ ဈေးရှိပြီး ဆန်ဈေးနှုန်းများအနေဖြင့် ဧည့်မထဆန်(အလတ်စ) (၁၀၈)ပေါင်တစ်အိတ်လျှင် (၆၀၀၀၀-၆၅၀၀၀)ကျပ်အထိဈေးရှိသဖြင့် ယခင်ဇွန်လတွင် စပါးဈေး (၄၆)ပေါင် တင်း(၁၀၀)လျှင် (၁၃၇၀၀၀၀)ကျပ် နှင့် ဆန်(၁၀၈)ပေါင် တစ်အိတ်လျှင် (၅၅၀၀၀-၅၇၀၀၀)ကျပ်ဖြစ်ခဲ့သဖြင့် ဇူလိုင်လကုန်နှင့်ယှဉ်လျှင် စပါး/ ဆန်ဈေးများ အနည်းငယ်မြင့်တက်လာခဲ့ပါသည်။ ဆန်ကွဲဈေးနှုန်းများအနေဖြင့် ဆန်ကွဲကြီး တစ်အိတ်လျှင် (၄၉၀၀၀)ကျပ်၊ ဆန်ကွဲ(လတ်) တစ်အိတ်လျှင် (၄၈၀၀၀)ကျပ် နှင့် ဆန်ကွဲ(သေး) တစ်အိတ်လျှင် (၄၇၀၀၀)ကျပ်ဈေးနှင့် ဖွဲနု တစ်ပေါင်လျှင် (၄၀၀)ကျပ်ဈေးဖြင့် ဇူလိုင်လတွင်အရောင်းအဝယ် ဖြစ်ခဲ့ပါသည်။ ထိုသို့ စပါး/ဆန်ဈေးများ မြင့်တက်လာရခြင်းမှာ စပါးလက်ကျန်နည်းလာပြီး အဝယ်လိုက်လာသဖြင့် ဈေးများမြင့်တက်လာရခြင်းဖြစ်ကြောင်း သိရပါသည်။
DOCA(ပဲခူး)