ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်၊ စားသုံးသူရေးရာဦးစီးဌာန၊ မြို့နယ် တာဝန်ခံနှင့်ဝန်ထမ်းများသည် ၂၀၂၃ခုနှစ်၊ ဩဂုတ်လ (၁၄) ရက်နေ့၊ နံနက် (၁၀:၀၀) နာရီအချိန်တွင် ကျိုက်လတ်မြို့၊ အမှတ်(၁)ရပ်ကွက်ရှိ အုပ်ချုပ်ရေးမှုးရုံး၌ တိုင်းရင်းဆေးကုဌာနနှင့်ပူးပေါင်း၍ ပြည်သူ(၂၅)ဦးအား စားသုံးသူကာကွယ်ရေးအသိပညာပေးဟောပြောခဲ့ပါသည်။
ထိုသို့ဟောပြောရာတွင် ကျိုက်လတ်မြို့နယ်တာဝန်ခံက စားသုံးသူကာကွယ်ရေးဥပဒေပါ စားသုံးသူ၏အခွင့်အရေးနှင့်တာဝန်များ၊ စားသုံးသူများလုံခြုံစိတ်ချမှု့ရှိစေရေး၊ အစားအသောက်များကိုဝယ်ယူသုံးစွဲရာတွင် ဘေးအန္တရာယ်ရှိသောကုန်စည်များကိုဝယ်ယူသုံးစွဲခြင်းမရှိရန် အသိပညာပေးဟောပြောဆွေးနွေးခဲ့ပါသည်။ ထို့ပြင် ကုန်အညွှန်းအမှတ်အသားများပြည့်စုံစွာဖော်ပြထားသော ကုန်စည်များကိုရွေးချယ်ဝယ်ယူသုံးစွဲကြရန်နှင့် ကုန်အညွှန်းအမှတ်အသားများတွင် ဖော်ပြထားသောအခြေအနေ၊ အာမခံချက်၊ ထူးခြားချက်၊ အကျိုးသက်ရောက်မှု၊ အသားတင်အလေးချိန်၊ အရည်အသွေးအဆင့်အတန်း စသည်တို့ပါဝင်ရန်လိုအပ်ကြောင်းနှင့် ယခုလက်ရှိဆောင်ရွက်နေသော စားသုံးသူရေးရာကိစ္စရပ်များနှင့်ပတ်သက်၍ အသိပညာပေးဆွေးနွေးဆောင်ရွက်ခဲ့ကြောင်း သတင်းရရှိခဲ့ပါသည်။
DOCA(ဧရာဝတီ)