ပခုက္ကူမြို့၌ရောင်းချလျက်ရှိသော စက်သုံးဆီဈေးနှုန်းများ

     မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် တိုင်းဒေသကြီး/ ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားဈေးနှုန်းများကို နေ့စဉ် ထုတ်ပြန်ပေးလျက်ရှိပါသည်။

    ပခုက္ကူမြို့၌ စက်သုံးဆီအရောင်းဆိုင်(၁၅)ဆိုင်ရှိရာ နေ့စဉ်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ ဩဂုတ်(ပထမပတ်)တွင် စက်သုံးဆီဈေးနှုန်းများမှာ 92 တစ်လီတာလျှင် (၂၂၂၀)ကျပ်၊ 95 တစ်လီတာလျှင် (၂၃၃၅)ကျပ်၊ ဒီဇယ်ရိုးရိုးတစ်လီတာလျှင် (၂၄၉၅)ကျပ်၊ ပရီမီယမ်ဒီဇယ်တစ်လီတာလျှင် (၂၅၇၀)ကျပ်ဈေးနှုန်းများဖြင့်ရောင်းချခဲ့ပြီး            ဩဂုတ်လ(ဒုတိယပတ်)တွင်  92 တစ်လီတာလျှင် (၂၃၃၀) ကျပ်၊ 95 တစ်လီတာလျှင် (၂၄၄၅)ကျပ်၊ ဒီဇယ်ရိုးရိုးတစ်လီတာလျှင် (၂၅၈၀)ကျပ်၊ ပရီမီယမ်ဒီဇယ်တစ်လီတာလျှင် (၂၅၀၅)ကျပ်ဈေးနှုန်းများဖြင့် ရောင်းချလျက်ရှိပါသည်။

    ဩဂုတ်လ(ပထမပတ်)နှင့် (ဒုတိယပတ်)ဈေးနှုန်းတို့ကိုနှိုင်းယှဉ်ကြည့်လျှင် 92 တစ်လီတာလျှင် (၁၁၀)ကျပ်၊ 95 တစ်လီတာလျှင် (၁၁၀)ကျပ်၊ ဒီဇယ်ရိုးရိုးတစ်လီတာလျှင် (၈၅)ကျပ်ဈေးနှုန်းများဖြင့် အသီးသီးဈေးနှုန်းများမြင့်တက်လျက်ရှိပြီး ပရီမီယမ်ဒီဇယ်ဈေးမှာ တစ်လီတာလျှင် (၆၅)ကျပ်ဖြင့် ဈေးနှုန်းကျဆင်း၍ အရောင်းအဝယ်ဖြစ်နေကြကြောင်း စက်သုံးဆီအရောင်းဆိုင်များမှသိရှိရပါသည်။

DOCA(မကွေး)