မကွေးမြို့တွင် ရန်ပယ်စျေး၊ မြို့မစျေး၊ ကန်သာစျေး၊ မင်္ဂလာစျေး၊ ဆည်မြောင်းစျေး၊ အခွန်လွတ်စျေးတို့ရှိကြပြီး ရန်ပယ်စျေးသို့ ဒဟက်ကန်ကျေးရွာ၊ ကန်ပြားကျေးရွာ၊ ကန်လှကျေးရွာ၊ ထုံးပေါက်တော ကျေးရွာ၊ မကျီးကန်ရွာ၊ ဆားတိုင်ကန်ရွာ၊ သန်းတောကုန်းရွာ၊ ပုထိုးစမ်းကျေးရွာတို့မှ အဓိကရောင်းဝယ် ဖောက်ကားလျက်ရှိပါသည်။
ထို့အပြင် မကွေးမြို့၊ ရန်ပယ်စျေးသို့ ရေထွက်ပစ္စည်းများကို ရန်ကုန်၊ ဘုရင့်နောင်၊ မကွေးတိုင်းဒေသကြီး၊ စေတုတ္တရာမြို့နယ်ရှိ ဆည်များတွင် မွေးမြူထားသော တီလာဖီးယား၊ ငါးဖန်းမ၊ ငါးများကို အခြောက်လှန်း၍ ၎င်းငါးများအား ငါးဆယ်နယ်အဖြစ်လည်းကောင်း ပြုလုပ်၍ လာရောက်ရောင်းချကြကြောင်း သိရှိရပါသည်။
မကွေးမြို့၊ ရန်ပယ်စျေး၌ ၂၀၂၃-ခုနှစ်၊ ဩဂုတ်လ ဒုတိယပတ်အတွင်း ရောင်းချလျက်ရှိသော ကုန်စျေးနှုန်းများမှာ ပုဇွန်ခြောက်ကြီး (၁)ပိဿာလျှင် (၈၀၀၀၀)ကျပ်၊ ပုဇွန်ခြောက် (အလတ်) (၁) ပိဿာလျှင် (၆၀၀၀၀)ကျပ်၊ ပုဇွန်ခြောက် (အသေး) (၁)ပိဿာလျှင် (၅၄၀၀၀)ကျပ်၊ ငါးရံ့ခြောက်အကြီး (၁)ပိဿာလျှင် (၆၅၀၀၀)ကျပ်၊ ငါးရံ့ခြောက် (အသေး) (၁)ပိဿာလျှင် (၆၀၀၀၀)ကျပ်၊ ငါးရံ့လုံး (၁) ပိဿာလျှင် (၄၅၀၀၀)ကျပ်၊ ငါးနီတူခြောက် (၁)ပိဿာလျှင် (၁၄၅၀၀)ကျပ်၊ ငါးကြင်း ငါးပိကောင် (၁)ပိဿာလျှင် (၁၁၀၀၀)ကျပ်၊ ငါးကြီးခြောက် (၁)ပိဿာလျှင် (၇၀၀၀၀-၉၀၀၀၀)ကျပ်၊ ငါးမင်းသား ခြောက် (၁)ပိဿာလျှင် (၂၆၀၀၀)ကျပ်၊ ငါးမဲလုံး (၁)ပိဿာလျှင် (၁၈၀၀၀)ကျပ်၊ ငါးဖောင်ရိုးခြောက် (၁)ပိဿာလျှင် (၂၈၀၀၀-၂၉၀၀၀)ကျပ်၊ မီးသံသွယ် (၁)ပိဿာလျှင် (၁၂၀၀၀-၁၆၀၀၀)ကျပ်အထိ အသီးသီးအရောင်းအဝယ်ဖြစ်လျက်ရှိကြောင်း စျေးသည်များထံမှ သိရှိရပါသည်။
DOCA(မကွေး)