၅.၁၁.၂၀၂၁ ရက်နေ့၊ နံနက် ( ၉ : ၀၀) နာရီအချိန်တွင် ကျင်းပပြုလုပ်သော ၂၀၂၁-၂၀၂၂ ခုနှစ်၊ မိုးစပါး စံပြစိုက်ခင်း စံကွက်ရိတ်သိမ်းခြင်း အခမ်းအနားကို ပဲခူးတိုင်းဒေသကြီး၊ ပဲခူးခရိုင် ၊ သနပ်ပင် မြို့နယ်၊ ဖရဲကျေးရွာ၊ လယ်မြေကွင်းအမှတ် (၈၅၄) ၊ ဦးပိုင်အမှတ် (၃၅/၄) ဆင်းသုခ - မိုးစပါး စံကွက်၌ စိုက်ပျိုးရေးဦးစီးဌာနမှ ဦးဆောင်၍ မြို့နယ်မြေစာရင်းဦးစီးဌာန ၊ မြို့နယ် စိုက်ပျိုးရေးဦးစီးမှူးဌာန ၊ မြို့နယ် စက်မှုလယ်ယာဦးစီးဌာန နှင့် ဌာနဆိုင်ရာ ဝန်ထမ်းများ ၊ တောင်သူများနှင့်အတူ စားသုံးသူရေးရာဦးစီးဌာန ၊ သနပ်ပင် မြို့နယ် တာဝန်ခံမှ ပူးပေါင်းပါဝင် တက်ရောက်ခဲ့ပါသည်။
ပဲခူးတိုင်း ဒေသကြီးတွင် ၂၀၂၁ ခုနှစ် ၊ မိုးစပါးစိုက်ဧက ၂၆၉၅၂၂၇ ဧက စိုက်ပျိုးထားရှိပြီး ၊ မိုးစပါး ကောက်စောစပါးများ စတင်ထွက်ပေါ်လျှက်ရှိရာ ပဲခူးခရိုင်၊ သနပ်ပင်မြို့နယ်၌ စံပြစံကွက် ရိတ်သိမ်းမှုတွင် အကွက်ငယ် ၆၆ပေ ပတ်လည် (၂)ကွက် ၊ ၆၆ပေ ပတ်လည် အကွက်ကြီး(၁)ကွက် တို့အား ရိတ်သိမ်းမှုများပြုလုပ်ခဲ့ပြီး တောင်သူ ဦးစိုးသိန်း၏ ဆင်းသုခ - မိုးစပါး စံကွက်၌ ရိတ်သိမ်းပွဲ ကျင်းပခဲ့ရာ စပါးတစ်ဧကလျှင် အထွက်နှုန်းစပါးတင်း (၁၀၄)တင်း ပျှမ်းမျှ ထွက်ရှိကြောင်းနှင့် ယခင်နှစ်ထက် (၉)တင်းပိုမို ထွက်ရှိကြောင်းသတင်းရရှိပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)