စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ ဦးမျိုးဝင်းနိုင်နှင့်ဝန်ထမ်းများသည် (၂၁-၈-၂၀၂၃)ရက်နေ့၊ နံနက်(၁၀:၃၀)နာရီအချိန်တွင် ကရင်ပြည်နယ်၊ ဘားအံမြို့ရှိ ပညာရေးကောလိပ်ဝန်း၊ လှာကတောင်ကျေးရွာ၊ အ-လ-က လေ့ကျင့်ရေးကျောင်းသို့သွားရောက်၍ အစားအသောက်နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်း၍ ကျောင်းမုန့်ဈေးတန်းများအား ကွင်းဆင်းစစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးဆောင်ရွက်ရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနမှ တာဝန်ခံ ဒု-ဦးစီးမှူး ဒေါ်အိသက်စံက ကျောင်းမုန့်ဈေးတန်းများတွင် သက်ဆိုင်ရာဌာနများ၏ တားမြစ်ထားသောကုန်စည်များကိုရောင်းချခြင်းမပြုရန်၊ ကျန်းမာရေးနှင့်ညီညွတ်မျှတသော အစားအသောက်များကိုသာရွေးချယ်၍ ဝယ်ယူရောင်းချပေးရန် မှာကြားခဲ့ပြီး စားသုံးသူရေးရာဦးစီးဌာနမှ ဦးစီးအရာရှိ ဦးမျိုးဝင်းနိုင်က ကုန်အညွှန်းအမှတ်အသား ပြည့်စုံမှန်ကန်မှုမရှိသော မုန့်နှင့်အချိုရည်မျိုးစုံတို့ကိုရောင်းချခြင်းမပြုရန်၊ စားသောက်ကုန်များတွင် သက်တမ်းကုန်ဆုံးရက်ဖော်ပြထားခြင်းရှိ/မရှိကို စနစ်တကျကြည့်ရှုတတ်စေရန် ဆိုင်ပိုင်ရှင်များအား အသိပညာပေးလက်တွေ့သင်ကြားပြသကာ ကျောင်းမုန့်ဈေးတန်းများ၌ လှည့်လည်၍ စစ်ဆေးခြင်းများ ဆောင်ရွက်ခဲ့ကြကြောင်းသိရှိရပါသည်။
DOCA(ကရင်)