မွန်ပြည်နယ် မော်လမြိုင်မြို့၊ ရပ်ကွက်နှင့်မြို့နယ်အသီးသီးတို့မှ ထွက်ရှိသော အုန်းသီးစိမ်း များကို အုန်းစိမ်းရည်ရောင်းချသည့် ဈေးသည်များက ဝယ်ယူစုဆောင်းပြီး ထိုမှတဆင့် အုန်းစိမ်းရည် အသင့်စားသုံးနိုင်ရန် စားသုံးသူများသို့ ရောင်းချကြသည်။ မော်လမြိုင်မြို့ပေါ်ရှိနေရာ (တောင်ရိုး တန်း၊ ကမ်းနားလမ်း၊ ညဈေး၊ အောက်လမ်းမကြီး)စသည့်နေရာတို့၌ ရောင်းချနေကြသည်။
ထို့သို့ဈေးကွက်ပေါ်၌ ရောင်းချသည့် သဘာဝအုန်းစိမ်းရည်ကို စားသုံးသူဝယ်ယူမှသာလျှင် ချက်ချင်းခုတ်ပေး၊ အုန်းစိမ်းရည်နှင့်ဇွန်းခြစ်အုန်းသီးအသားအဖတ်နုနုများ စားသုံးရသည်။ အုန်းစိမ်း ရည်တစ်လုံး၏ ဈေးနှုန်းမှာ ငွေကျပ် ၁၅၀၀ ဖြစ်သည်။ အာဟာရဖြည့်အချိုရည်ကို စားသုံးသူများပြီး ရောင်းအားကောင်းသောဒေသထွက်၊ အုန်းစိမ်းသီးဈေးကွက် ဝင်ငွေတိုးတက်လာမှု တွေ့ရှိရသည်။
အုန်းစိမ်းရည်တစ်လုံးမှာ အရည်ဓါတ် ၂၀၀ မီလီလီတာမှ ၁၀၀၀ မီလီလီတာအထိ ပါဝင်သည်။ အုန်းစိမ်းရည်သည် အရသာရှိပြီး ကယ်လိုရီပါဝင်မှုနည်းတဲ့သဘာဝအချိုရည် တစ်မျိုးဖြစ် သည်။ အုန်းစိမ်းရည်မှာ ဓါတ်တိုးဆန့်ကျင်ပစ္စည်းများ၊ အမိုင်နိုအက်ဆစ်၊ အင်ဇိုင်းများ၊ ဗီတာမင်ဘီနှင့်စီများ၊ ဇင့်သံဓါတ်များ၊ ကယ်လ်ဆီယမ်၊ ပိုတက်ဆီယမ်၊ မဂ္ဂနီဆီယမ်ဓါတ်နှင့် သတ္တုဓါတ်များစွာပါဝင်ပါသည်။ ကျန်းမာရေးအရ အုန်းစိမ်းရည်သောက်ခြင်းသည် ခန္ဓာကိုယ်ကိုရေဓါတ်ဖြည့်ပေးခြင်း၊ သွေးတိုးကျစေခြင်း၊ နှလုံးကျန်းမာစေခြင်း၊ ခေါင်းကိုက်ခြင်းကို သက်သာစေခြင်း၊ ကိုယ်အလေးချိန်ကျစေနိုင်ခြင်း၊ လေပွခြင်းကို သက်သာစေခြင်း၊ အယ်လ်ဇိုင်းမား(Alnheimer)ရောဂါကို သက်သာစေခြင်း၊ မျက်လုံးကျန်းမာစေခြင်း၊ PH ပမာဏကို ထိန်းညှိပေးခြင်းစသည့် အကျိုးကျေးဇူးများရရှိပြီး ဒေသတွင်း ဈေးကွက်စီးပွားဖြစ်ထွန်းမှုရှိကြောင်း သိရှိရပါသည်။
DOCA(မွန်)