![](http://www.doca.gov.mm/sites/default/files/styles/consumer_inner_image__847x424_/public/IMG_20211124_090858.jpg?itok=ghA5wYiX)
မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ထုတ်ကုန်လုံခြုံစိတ်ချရမှုဌာနခွဲ တာဝန်ခံနှင့် မော်လမြိုင်မြို့နယ်တာဝန်ခံတို့သည် မွန်ပြည်နယ် အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီအဖွဲ့ဝင်များ၊ မိတ်ဖက် အဖွဲ့အစည်းများနှင့်ပူးပေါင်း၍ ၂၄.၁၁.၂၀၂၁ ရက်နေ့ ၉:၃၀ နာရီချိန်တွင် မော်လမြိုင်မြို့နယ် မုယောင်း အမှိုက်ကျင်းတွင် မီးရှို့ဖျက်ဆီးခြင်း အခမ်းအနားအား ပူးပေါင်းဆောင်ရွက်ခဲ့ကြောင်း သိရှိရပါသည်။
အဆိုပါ မီးရှို့ဖျက်ဆီးခြင်းတွင် သက်တမ်းလွန်ဆေးဝါးများ၊ သက်တမ်းလွန်အလှကုန်နှင့် လူသုံးကုန်များ၊ သက်တမ်းလွန်စားသောက်ကုန်များ၊ ဆေးဆိုင်များနှင့် ကုမ္ပဏီများမှ လာရောက်အပ်နှံသော ဆေးဝါးများ၊ အလှကုန်၊ လူသုံးကုန်များ စုစုပေါင်း အမယ် (၄၀၇) မျိုး ခန့်မှန်းတန်ဖိုး (၂၆,၀၇၃,၉၂၃) ကျပ်ခန့်အား မီးရှို့ဖျက်ဆီးခြင်း ဆောင်ရွက်ခဲ့ကြကြောင်း သိရှိရပါသည်။
စားသုံးသူရေးရာဦးစီးဌာန(မွန်ပြည်နယ်)