တောင်ငူခရိုင်၊ အုတ်တွင်းမြို့နယ် အတွင်းရှိ ဝါးနွယ်မျှစ်ပြုတ်များမှာ ဈေးကောင်းရရှိနေပါသည်။ ကျွဲပွဲမြို့၊ အုတ်တွင်းမြို့နှင့် ညောင်ခြေထောက်မြို့တို့၏ အနောက်ရိုးမတောင်တန်းပေါ်သို့ တက်၍ ဒေသခံလုပ်သားများက ဝါးနွယ်အမျိုးအစား မျှစ်နုများကို ချိုးယူပြီး မိမိတို့၏ ဆိုင်ကယ်များဖြင့် တပိုင်တနိုင် သယ်ယူကာရောင်းချကြကြောင်း သိရှိရပါသည်။
မျှစ်ပြုတ်ပြုလုပ်ရာတွင် တောင်ပေါ်မှ ချိုးယူလာသော ဝါးနွယ်မျှစ်နုများကို အခွံခွာပြီး ဒယ်အိုးအကြီးစားဖြင့် သုံးကြိမ်လောက်ရေလဲပြီး ပြုတ်ရပါသည်။ ထို့သို့ပြုတ်ပြီးရလာသော ဝါးနွယ် မျှစ်ပြုတ်များကို ၁ ပိဿာလျှင် ၁၀၀၀ ကျပ်နှုန်းဖြင့် ရောင်းချရပြီး၊ ထိုပိဿာထုပ်များကို ၂၅ ကျပ်သား ၅၀ ကျပ်သား ချိန်တွယ်ပြီး နှီးဖြင့်ချည်နှောင်ကာ အစည်းလိုက်တွဲချည်ပြီး ရောင်းချ ကြောင်းလည်းသိရပါသည်။ ဝါးနွယ်မျှစ်ပြုတ်များကိုမူ ဒေသတွင်း၌သာ ဖြန့်ဖြူးရောင်းချကြောင်း သိရှိရပါသည်။
DOCA(ပဲခူး)