နတ်တလင်းခရိုင်၊ နတ်တလင်းမြို့နယ်အတွင်း၌ မြန်မာမုန့်များအပါအဝင် တခြားမုန့်မျိုးစုံကိုပြုလုပ်ရောင်းချလျက်ရှိရာ ကြက်ဥနံပြားလိပ်မုန့်မှာ အိအိချိုချိုအရသာရှိပြီး လူကြိုက်များကြောင်းသိရပါသည်။
ကြက်ဥနံပြားလိပ်မုန့်ကို ဂျုံမှုန့်၊ ကြက်ဥတို့နှင့်ရောစပ်ပြုလုပ်ရပါသည်။ ဂျုံမှုန့် နို့ဆီဘူး(၁) ဘူး၊ ကြက်ဥ (၂) လုံး၊ ရေသန့် နို့ဆီဘူး (၂) ဘူးတို့ဖြင့် သမအောင်ရောစပ်၍ မွှေပေးရပါသည်။ ရရှိလာသောမုန့်နှစ်ရေအား ဇွန်းအနေတော်အရွယ်ဖြင့်ခပ်ကာ အပူပေးထားပြီး ဆီဖတ်ဝတ်သုတ်ထားသည့်ဒယ်အိုးတွင် ထည့်၍ကြော်ရပါသည်။ ရရှိလာသောမုန့်ပြားချပ်ကလေးများကို အတော်အသင့်အအေးခံပြီးနောက် အပိုင်းလေးပိုင်း၍ အလိပ်ကလေးများပြုလုပ်ကာ အုန်းသီး၊ သကြားများဖြူးပြီး နိုဆီများဆမ်းကာ ဘူးးထဲတွင်ထည့်၍ရောင်းချကြပါသည်။
ကြက်ဥနံပြားလိပ်မုန့်တစ်ဘူးလျှင် (၁၀၀၀) ကျပ်နှုန်းဖြင့် ရောင်းချနေပြီး အလှူများမှ အချိုပွဲများအတွက် မှာယူခြင်းများရှိသည့်အပြင် နံနက်ခင်းနှင့် နေ့လယ်ခင်းအချိန်တို့တွင် မုန့်အချိုအဖြစ် စားသုံးရန်အတွက်လည်း ဝယ်ယူမှုများရှိကြောင်းသိရပါသည်။
DOCA(ပဲခူး)