ပဲခူးတိုင်းဒေသကြီးအနောက်၊ နတ်တလင်းခရိုင်၊ ဇီးကုန်းမြို့နယ်၌ (၂၈-၈-၂၀၂၃) ရက်နေ့၊ နေ့လယ် (၁၃:၀၀) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကုန်ဈေးနှုန်းတည်ငြိမ်ရေးနှင့် မြို့နယ်တွင်းစားသုံးသူများ ဆန်များကို ဈေးနှုန်းသက်သာစွာဝယ်ယူစားသုံးနိုင်ရေးတို့အတွက် ဆန်စက်လုပ်ငန်းရှင်များ၊ ကုန်သည်၊ ဆန်လက်ကားဆိုင်များ၊ ပဲနှမ်း ပွဲရုံ၊ စိုက်ပျိုးရေးဆေးဓာတ်မြေဩဇာရောင်းချသူများပါဝင်သော လုပ်ငန်းရှင် (၂၁) ဦးအား မြို့နယ်စီမံအုပ်ချုပ်ရေးအဖွဲ့ကဦးဆောင်ကာ စားသုံးသူရေးရာဦးစီးဌာနတို့ပူးပေါင်း၍ ဆွေးနွေးပွဲပြုလုပ်ခဲ့ပါသည်။
အဆိုပါဆွေးနွေးပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌက စားသုံးသူပြည်သူများ လက်ရှိအခြေခံစားသောက်ကုန်တစ်မျိုးဖြစ်သောဆန်များကို ဈေးနှုန်သက်သာစွာဝယ်ယူနိုင်ရေး ဝိုင်းဝန်းကူညီပေးနိုင်ကြပါရန်အတွက် ဆောင်ရွက်ရခြင်းဖြစ်ပြီး (၂၆-၈-၂၀၂၃) ရက်နေ့တွင် နတ်တလင်းခရိုင်၌ ကျင်းပခဲ့သော မြန်မာနိုင်ငံဆန်စပါးအသင်းချုပ်က အခြေခံစားသုံးကုန်ဖြစ်သောဆန်များကို ဈေးနှုန်းသက်သာစွာဝယ်ယူနိုင်ကြစေရေး၊ စားသုံးသူအခြေခံလူတန်းစားများ၏ အခက်အခဲများအား လုပ်ငန်းရှင်၊ သက်ဆိုင်ရာဌာနနှင့်အဖွဲ့အစည်း၊ အသင်းအဖွဲ့များအနေဖြင့် ကူညီကြစေရန် လမ်းညွှန်ခဲ့မှုအပေါ် ဇီးကုန်းမြို့နယ်တွင်း လူဦးရေ (၇၀၀၀၀) ခန့်တွင် နွမ်းပါးသူအခြေခံလူတန်းစား (၁၅၀၀၀) ခန့်ရှိ၍ အချိန်ကာလတစ်ခုအထိ ထိရောက်စွာကူညီနိုင်မည့်နည်းလမ်းအား ဝိုင်းဝန်းဖြေရှင်းပေးနိုင်ရေး ဆွေးနွေးပြောကြားခဲ့ပြီး တက်ရောက်လာသောလုပ်ငန်းရှင်များကလည်း ပြန်လည်မေးမြန်းဆွေးနွေးညှိနှိုင်းမှုများပြုလုပ်ခဲ့ကြောင်းသိရှိရပါသည်။
DOCA(ပဲခူး)