တောင်ငူမြို့၊ ငါးခြောက်ဆိုင်များတွင် ရောင်းချနေသော အာဗြဲခြောက်သည်လည်း လူကြိုက်များသောငါးခြောက်တစ်မျိုးဖြစ်ပါသည်။ အရသာမှာ ချိုပြီး ဆားလည်းပေါ့သဖြင့် စားကောင်းသည့် ငါးခြောက်တစ်မျိုးဖြစ်ပါသည်။
၂၀၂၃ခုနှစ် ဩဂုတ်လတွင် အာဗြဲခြောက်တစ်ပိဿာလျှင် ၂၈၀၀၀ကျပ်၊ ၁၀ကျပ်သားလျှင် ၃၀၀၀ကျပ်ဖြင့် ရောင်းချခဲ့ရာမှ ယခုလတွင် တစ်ပိဿာလျှင် ၃၂၀၀၀ကျပ်၊ ၁၀ကျပ်သားလျှင် ၃၅၀၀ကျပ်ဖြစ်၍ ဈေးနှုန်းအနည်းငယ်မြင့်တက်လာပါသည်။
အသင့်စား အာဗြဲခြောက်ထုပ်များကိုလည်းရောင်းရပါသည်။ အသင့်စား အာဗြဲခြောက် ပြုလုပ်ရာတွင် အာဗြဲခြောက်ကို အမြီးညှပ်၍ ခေါင်းဖြတ်သန့်စင်ပြီး အနည်းငယ်ထုထောင်း၍ မီးကင်စက်ဖြင့် ကင်ရပါသည်။ ထို့နောက် နောက်တစ်ကြိမ်ထပ်မံထုထောင်းပြီး ဆီဆမ်း၍ အသင့်စားနိုင်သည့်အာဗြဲခြောက်ဖုတ်များကို ပလတ်စတစ်အိတ်များဖြင့်ထည့်ကာ တစ်ထုပ်လျှင် ၈၀၀ကျပ်ဖြင့် ဈေးကွက်အတွင်းရောင်းချကြောင်းသိရပါသည်။
DOCA(ပဲခူး)