ကရင်ပြည်နယ်အတွင်း အခြေခံစားသောက်ကုန်များ ဈေးနှုန်းတည်ငြိမ်ရေး၊ ပြည်သူများ စားဝတ်နေရေးပြေလည်စေရေးနှင့် နေ့စဉ်စားသောက်စရိတ်များအပေါ် ဝန်ထုပ်ဝန်ပိုးမဖြစ်စေဘဲ အခြေခံစားသောက်ကုန်များ ဝယ်ယူသုံးစွဲနိုင်ရေးအတွက် စီမံဆောင်ရွက်လျက်ရှိရာ မြန်မာနိုင်ငံဆန်စပါးလုပ်ငန်းရှင်များအသင်းမှ ဖြန့်ဖြူးရောင်းချပေးသောဆန်များကို ကရင်ပြည်နယ်အစိုးရအဖွဲ့၏ လမ်းညွှန်မှုဖြင့် ကရင်ပြည်နယ်ဆန်စက်လုပ်ငန်းရှင်များအနေဖြင့် ဘားအံမြို့ရှိ လှာကမြင်ဈေး၊ ဇွဲမာန်လွင်ဈေးတို့တွင် ၁၅-၉-၂၀၂၃ရက်နေ့မှစ၍ ဈေးနှုန်းသက်သာစွာ အထိုင်ရောင်းချပေးလျက်ရှိကြောင်း သိရသည်။
ထိုသို့ရောင်းချရာတွင် လူတစ်ဦးလျှင် ၄ ပြည်နှုန်း၊ တစ်ပြည်လျှင် ၂၇၀၀ ကျပ်နှုန်းဖြင့် ရောင်းချပေးခြင်းဖြစ်ပြီး ရောင်းချမည့် လူဦးရေ၊ ဆန်အရေအတွက် ကန့်သတ်ချက်မထားဘဲ နေ့စဉ် နံနက်(၀၈ :၀၀) နာရီမှစ၍ ရောင်းချပေးလျက်ရှိကြောင်း သိရသည်။
အဆိုပါဆန်များအား သက်သာသောနှုန်းထားဖြင့် ရောင်းချရာတွင် စတင်ရောင်းချသည့်နေ့ ၁၅-၉-၂၀၂၃ ရက်နေ့တွင် လှာကမြင်ဈေးတွင် ဆန်အိတ် ၆၆အိတ်၊ ဇွဲမာန်လွင်ဈေးတွင်ဆန်အိတ် ၉၅ အိတ်၊ စုစုပေါင်း ၁၆၁အိတ် ရောင်းချနိုင်ခဲ့ကြောင်းနှင့် ၁၆-၉-၂၀၂၃ ရက်နေ့တွင် လှာကမြင်ဈေးတွင် ဆန်အိတ် ၃၅အိတ်၊ ဇွဲမာန်လွင်ဈေးတွင်၇၅ ဆန်အိတ်ရေ စုစုပေါင်း ၁၁၀ အိတ်ရောင်းချနိုင်ခဲ့ကြောင်းနှင့် အပတ်စဉ် တနင်္ဂလာ၊ ဗုဒ္ဓဟူး၊ သောကြာနေ့ များတွင် ဆက်လက်ရောင်းချပေးသွားမည် ဖြစ်ကြောင်း ကရင်ပြည်နယ် ဆန်စက်လုပ်ငန်းရှင်များအသင်းထံမှ သိရသည်။
DOCA(ကရင်)