ပြည်ပဲဈေးကွက်အတွင်း ၂၀၂၃ခုနှစ်တွင် ပဲဈေးအားလုံး ဈေးမြင့်တက်လာခဲ့သောကြောင့် ပြည်ပဝယ်လိုအားများသောပဲများအပြင် ပြည်တွင်းအဓိကဝယ်လက်ရှိသောပဲများပါ ဈေးကောင်းရလျက်ရှိပါသည်။ လက်လီပဲဈေးကွက်မှာလည်း နေ့စဉ် လက်လီရောင်းဝယ်မှု အိတ် ၂၀/၃၀ခန့်ဖြစ်လျက်ရှိသော စားတော်ပဲသီးနှံ ပိဿာ၂၀ဝင် တစ်တင်းလျှင် ၁၃၅၀၀၀ကျပ်ဖြင့် အရောင်းအဝယ်ဖြစ်ခဲ့ကြပါသည်။ ထို့ကြောင့် စားတော်ပဲပြုတ်တစ်ဆယ်သားလျှင် ၇၀၀ကျပ်မှ ၈၀၀ကျပ်ဖြင့် ဝယ်ယူစားသုံးနေကြရကြောင်းသိရပါသည်။ စားတော်ပဲသီးနှံသည် နှစ်စဉ်လိုလို ပဲဈေးကွက်အတွင်း ဈေးအမြင့်ဖြင့်သာ ရောင်းဝယ်နေခဲ့ရသည့်အတွက် ယခင်နှစ်၊ စက်တင်ဘာလး တစ်တင်းလျှင် ၁၃၀၀၀၀ကျပ်ဖြင့် အရောင်းအဝယ်ဖြစ်ခဲ့ကြပါသည်။ ယခုနှစ်တွင် တခြားပဲများဖြစ်သော မတ်ပဲ၊ ပဲစင်းငုံသီးနှံများ ဈေးမြင့်တက်လာသည်ဆိုသော်လည်း စားတော်ပဲသီးနှံဈေးနှုန်းထက် မများသောကြောင့် ပဲဈေးကွက်အတွင်း ဈေးနှုန်းအမြင့်ဆုံးဖြင့် စားတော်ပဲသီးနှံအရောင်းအဝယ်ဖြစ်နေခဲ့ကြောင်းသိရပါသည်။
DOCA(ပဲခူး)