ပြည်ပဲဈေးကွက်အတွင်း ကုလာပဲသီးနှံမှာ နေ့စဉ်ရောင်းဝယ်မှုဖြစ်နေသော ပဲသီးနှံဖြစ်ခဲ့ပါသည်။ ပဲဝင်ရောက်ခြင်းမရှိသော်လည်း ပဲလက်ကျန်များရှိမှုအပေါ် နေ့စဉ် အဝယ်များဖြင့် ရောင်းဝယ်နေကြရကြောင်းသိရပါသည်။ ဒေသအတွင်းခွဲစက်သမားများအပြင် ရန်ကုန်ဝယ်လက်သမားများပါ အဝယ်ရှိသည့်အတွက် တစ်ရက်လျှင် အိတ် (၄၀၀/၅၀၀) ကျော်ရောင်းချမှုဖြစ်ခဲ့ပါသည်။ ပဲဈေးမှာ တစ်တင်းလျှင် ၉၅၀၀၀ကျပ်ဖြင့် ရောင်းဝယ်နေရသည့်အတွက် ဈေးအတက်အကျသိပ်မရှိဘဲ ရောင်းဝယ်မှုဖြစ်ခဲ့ပါသည်။ ယခင်နှစ်ကာလတူအချိန်၌ ကုလားပဲသီးနှံတစ်တင်းလျှင် ၆၇၅၀၀ကျပ်သာရရှိခဲ့တဲ့အတွက် ယခုနှစ်ဈေးမှာ ယခင်နှစ်ထက် ကျပ်၃သောင်းခန့်မြင့်တက်လာခဲ့ကြောင်းသိရပါသည်။ ကုလားပဲခွဲခြမ်းဈေးနှုန်းမှာမူ တစ်ပိဿာလျှင် ၅၆၀၀ကျပ်ဖြင့် လက်ကားဈေး အရောင်းအဝယ်ဖြစ်ကြောင်းသိရှိရပါသည်။
DOCA(ပဲခူး)