ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးရုံး၊ သင်တန်းခန်းမ၌ ကျင်းပပြုလုပ်သော ဝန်ထမ်းစွမ်းဆောင်ရည်မြှင့်တင်ရေးသင်တန်းအမှတ်စဉ်(၁/၂၀၂၃)ကို (၁၈-၉-၂၀၂၃)ရက်နေ့မှ (၁၉-၉-၂၀၂၃) ရက်နေ့ထိ ဝန်ထမ်းများစွမ်းဆောင်ရည်မြင့်မားစေရန်ရည်ရွယ်၍ သင်တန်းဖွင့်လှစ်ရခြင်းဖြစ်ကြောင်း ခရိုင်ဦးစီးမှူးက အဖွင့်အမှာစကားပြောကြား၍ သင်တန်းကို နံနက်(၀၉:၃၀)နာရီအချိန်တွင် ဖွင့်လှစ်ဆောင်ရွက်ခဲ့ပါသည်။
ဆက်လက်၍ စီမံရေးရာဌာနခွဲတာဝန်ခံက စားသုံးသူရေးရာဦးစီးဌာနရှိ ဝန်ထမ်းများ ဝန်ထမ်းစွမ်းဆောင်ရည်မြင့်မားစေရန်နှင့် ဌာနအချင်းချင်း လုပ်ငန်းများဆောင်ရွက်ရာတွင် အဆင်ပြေချောမွေ့စေရန်အတွက် ရုံးစာရေးသားနည်းများ၊ စာပေးစာယူနှင့်ပတ်သက်သည့် ဝန်ထမ်းများသိသင့်သိထိုက်သော အကြောင်းအရာတို့ကိုလည်းကောင်း၊ ငွေစာရင်းဌာနခွဲတာဝန်ခံက ငွေစာရင်းဆိုင်ရာကိစ္စရပ်များ၊ ဘဏ္ဍာရေးစည်းမျဉ်းစည်းကမ်းများနှင့်ပတ်သက်သော ညွှန်ကြားစာများကိုလည်းကောင်း၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲနှင့် ပြည်တွင်းကုန်သွယ်မှုဌာန ခွဲတာဝန်ခံကလည်း ပြည်တွင်းကုန်သွယ်မှုကဏ္ဍနှင့်ပတ်သက်သည့်အကြောင်းအရာများကို ရှင်းလင်းသင်ကြားပို့ချခဲ့ပါသည်။ သင်တန်းသို့ သင်တန်းသား၊ သင်တန်းသူ(၁၄)ဦးတက်ရောက်ခဲ့ကြကြောင်းသိရှိရပါသည်။
DOCA(ဧရာဝတီ)