ပြည်ခရိုင်၊ ရွှေတောင်မြို့နယ်တွင် မိုးမြေပဲများစိုက်ပျိုးထွက်ပေါ်လာပြီဖြစ်ပါသည်။ မိုးမြေပဲများကို ကဆုန်လတွင် စတင်စိုက်ပျိုး၍ ဝါခေါင်လတွင် အသီးများစတင်၍ နှုတ်သိမ်းရပါသည်။ မြေပဲစိုက်ပျိုးရာတွင် တစ်ဧကလျှင် မျိုးအနေဖြင့် ပြည်(၃၀)စိုက်ပျိုးရပြီး တင်းအနေဖြင့် (၁)တင်းကျော်ခန့်စိုက်ပျိုးရကြောင်းသိရပါသည်။ မြေပဲတစ်ယောက်စိုက် စိုက်ပျိုးထုတ်လုပ်ကုန်ကျစရိတ်မှာ (၃)သိန်းခန့်ကုန်ကျပြီး အထွက်နှုန်းမှာ (၁၅)တင်းခန့်ထွက်ရှိကြောင်းသိရပါသည်။ မြေပဲများပေါ်ချိန်တွင် မြေပဲတောင့်ဈေးမှာ တစ်ပြည်လျှင် (၂၀၀၀) ကျပ်ဖြင့်ရောင်းချကြောင်းသိရပါသည်။ တစ်ယောက်စိုက်တောင်သူအကျိုးအမြတ်မှာ (၁၈၀၀၀၀)ကျပ်ခန့်ရရှိပြီး တောင်သူများအနေဖြင့် တွက်ခြေပိုမိုကိုက်စေရန် နေလှန်းအခြောက်ခံ၍ ခွဲပြီးသောအဆံများကို ဆီစက်များပွဲရုံများသို့လည်းတင်ပို့ရောင်းချကြောင်းသိရပါသည်။
ရွှေတောင်မြို့နယ်ရှိ ထွက်ပေါ်လာသည့်မြေပဲများကို ပြည်ဈေးကွက်သို့ တင်ပို့ရောင်းချသည့်အပြင် ဒေသတွင်း၌လည်း ဆီကြိတ်ခွဲ၍စားသုံးကြကြောင်းသိရပါသည်။
DOCA(ပဲခူး)