ယခုကဲ့သို့ မိုးရာသီ၏ မိုးလယ်ကာလများတွင်ထွက်ရှိသည့် မြိတ်ဒေသထွက် ရာသီစာအစားအစာတစ်မျိုးဖြစ်သော ဝါးပလုတ် (ခေါ်) ဝါးဂျယ်လီများကို ပြည်မြို့၏ Online ဈေးကွက်ထဲ၌ ရောင်းချနေသည်ကိုတွေ့ရှိရပါသည်။ ဝါးဂျယ်လီသည် သဘာဝဂျယ်လီတစ်မျိုးဖြစ်ပြီး ရာသီစာဖြစ်သောကြောင့် လူကြီးများသာမက ကလေးများပါသောက်သုံးလို့ရ၍ နို့ဆီ၊ နို့စိမ်း၊ သကြား၊ သံပရာ၊ သစ်ခွ၊ ဆီး စသော ဖျော်ရည်အမျိုးမျိုးဖြင့် ဖျော်စပ်သောက်သုံးနိုင်သည့်အပြင် အမျိုးသမီးများ ဓမ္မတာလာချိန်တွင် သကြားနှင့်ဖျော်သောက်ပေးလျှင် နာကျင်ကိုက်ခဲခြင်းများကိုသက်သာစေပါသည်။ ဝါးပလုတ် (ခေါ်) ဝါးဂျယ်လီလေးများကိုသောက်သုံးပေးခြင်းဖြင့် အပူငြိမ်းစေခြင်း၊ သွေးတိုး၊ ဆီးချို၊ ကျောက်ကပ်ရောဂါသမားများအတွက်လည်း အားကောင်းစေရန် သောက်သုံးပေးနိုင်ပါသည်။ ထို့ပြင် အမျိုးသားများ ဆီးနှင့်ပတ်သက်သောရောဂါများအတွက်လည်းကောင်းစေသောကြောင့် သောက်သုံးသင့်ပါသည်။ သို့ဖြစ်ပါ၍ Chemical နှင့် ဆေးသကြားများသော အချိုရည်နှင့်ဂျယ်လီများကိုစားသုံးနေမည့်အစား သဘာဝဝါးပင်မှရရှိသော သဘာဝဝါးပလုတ်ဂျယ်လီလေးများကိုစားသုံးပေးသင့်ပါသည်။ ဝါးပလုတ်ဂျယ်လီများကို ပြည်မြို့၏ Online ဈေးကွက်တွင် တစ်လီတာတစ်ဘူးလျှင် ၃၅၀၀ကျပ်ဖြင့် ရောင်းချလျက်ရှိကြောင်းသိရှိရပါသည်။
DOCA(ပဲခူး)