ပြည်ခရိုင်တွင် ယခုစက်တင်ဘာလမှစ၍ နှမ်းသီးနှံများထွက်ပေါ်လာ၍ ထွက်ရှိသော နှမ်းသီးနှံကို မြို့တွင်းစားသုံးသည့်အပြင် အညာဒေသများဖြစ်သော အောင်လံ၊ မကွေးနှင့် မန္တလေးသို့လည်းတင်ပို့ရောင်းချကြပါသည်။ ပွဲရုံများသို့လည်း ဧရာဝတီတိုင်းဖြစ်သော မြန်အောင်၊ ကြံခင်းနှင့် ကံမဘက်မှ တင်သွင်းကြပြီး နှမ်းသီးနှံ အထွက်လှိုင်ချိန်တွင် တစ်နေ့ကို အိတ် (၁၀၀၀)ကျော် တင်ပို့ကြပြီး နှမ်းများရှားသွားချိန်တွင် နေ့စဉ်မဟုတ်ဘဲ ရက်ခြားတင်ပို့ကာ တစ်ခါတင်ပို့လျှင် အိတ် (၅၀၀)လောက်သာ တင်ပို့နိုင်ကြပါသည်။ စက်တင်ဘာလ တတိယ ပတ်တွင် နှမ်းဈေးများအနေဖြင့် နှမ်းနီ (၃)တင်းတစ်အိတ်လျှင် (၃၀၀၀၀၀)ကျပ်၊ နှမ်းနက် (၃)တင်း တစ်အိတ်လျှင် (၂၈၀၀၀၀)ကျပ် နှင့် စမုံနက်နှမ်း (၃)တင်းတစ်အိတ်လျှင် (၃၂၀၀၀၀) ကျပ်ဖြင့် အရောင်းအဝယ်ဖြစ်လျက်ရှိပါသည်။ ယခင် စက်တင်ဘာလ ပထမပတ်တွင် နှမ်းနီ (၃)တင်းတစ်အိတ်လျှင် (၃၁၅၀၀၀)ကျပ်ဈေးရှိခဲ့သဖြင့် ယခုအပတ်တွင် (၁၅၀၀၀)ကျပ်ခန့် ဈေးမြင့်တက်လာခဲ့ပါသည်။ ပြည်ခရိုင်တွင် နှမ်းနီစိုက်ဧကနည်းပြီး အခြားတိုင်းများဝယ်ယူ၍ တစ်ဆင့် ပြန်လည်ရောင်းချရသဖြင့် ဈေးအနည်းငယ်မြင့်တက်ခဲ့ပါသည်။ နှမ်းနက်နှင့် စမုံနက်နှမ်းဈေးမှာ ယခင်စက်တင်ဘာလပထမပတ်အတိုင်း ဈေးငြိမ်နေခဲ့ပါသည်။ ဆီဈေးနှုန်းအနေဖြင့် တစ်ပိဿာလျှင် (၁၄၀၀၀)ကျပ်ဖြင့်ရောင်းချလျက်ရှိပြီး ယခင်စက်တင်ဘာလဆန်းတွင် တစ်ပိဿာလျှင် ၁၂၅၀၀ ကျပ်ဖြင့်ရောင်းချခဲ့သဖြင့် တစ်ပိဿာလျှင် ၁၅၀၀ကျပ်ခန့် ဈေးနှုန်းများ ပြန်လည်မြင့်တက်လာခဲ့ပါသည်။ ထိုသို့ နှမ်းဆီဈေးနှုန်းများ မြင့်တက်လာရခြင်းမှာ ဆီကြိတ်နှမ်းနီ ဈေးမြင့်တက်လာခဲ့ခြင်းဖြစ်ကြောင်း သိရပါသည်။
ပြည်ခရိုင်အနေဖြင့် နှမ်းသီးနှံကို ဒေသတွင်းဆီဖူလှုံမှုရှိစေရန် စိုက်ပျိုးသည့်အပြင် ပိုလျှံပါ ပြည်ပသို့တင်ပို့နိုင်ရန် အရည်အသွေးကောင်း၊ ဆီထွက်နှုန်းကောင်းသည့် မျိုးကောင်းမျိုးသန့်များအား ရွေးချယ်၍ စိုက်ပျိုးနိုင်မည်ဆိုပါက ပြည်ပဝင်ငွေများရရှိနိုင်မည်ဖြစ်ကြောင်း လေ့လာသုံးသပ် တင်ပြလိုက်ရပါသည်။
DOCA(ပဲခူး)