ဂရိတ်ဖရုသီးများကို ကချင်ပြည်နယ်၊ ပူတာအိုဒေသတွင် စိုက်ပျိုးကြောင်းသိရပြီး ထိုအသီးကို ဝိုင်၊ ယို၊ ဂျယ်လီ၊ ဖျော်ရည် စသည်ဖြင့် ပြုလုပ်၍စားသုံးကြပါသည်။ ဂရိတ်ဖရုအသီး၏ ထူးခြားချက်မှာ အသီးတွင်အနာအဆာမရှိဘဲ သက်တမ်းပြည့်ချိန်မှ ခူးဆွတ်သော အသီးဆိုလျှင် ၃လမှ ၆လအထိ ထားနိုင်ပါသည်။ ပူတာအိုဒေသမှထွက်ရှိသည့် ဂရိတ်ဖရုသီးများကို မြစ်ကြီးနား၊ ရန်ကုန်၊ မန္တလေးဈေးကွက်တို့မှတစ်ဆင့် အမြို့မြို့အနယ်နယ်ရှိ ဈေးကွက်တို့အပြင် ပြည်ဈေးကွက်တွင်လည်း ရောင်းဝယ်ဖောက်ကားလျက်ရှိပါသည်။ ပြည်ဈေးကွက်တွင် ရံဖန်ရံခါရောင်းချသော ဂရိတ်ဖရုဈေးနှုန်းများမှာ ကာလပေါက်ဈေးအရ အလုံးကြီး တစ်လုံးလျှင် ၁၅၀၀ကျပ်၊ အသေး တစ်လုံးလျှင် ၆၀၀-၈၀၀ကျပ်ထိ ရောင်းချကြောင်း သိရပါသည်။
DOCA(ပဲခူး)