ယခုတစ်ပတ် ပြည်ချင်းဈေးကွက်မှာ ချင်းဈေးများယခင်အပတ်ထက်ဈေးပိုလာသဖြင့် ဝင်ရောက်မှု၏ သုံးပုံနှစ်ပုံခန့်သာ အရောင်းအဝယ်ဖြစ်ပြီး အရောင်းပါးလျှက်ရှိနေပါသည်။ အဝင်အားဖြင့်လည်း ပိဿာ(၃၀)ဝင် အိတ် (၂၀၀)ခန့်သာ ပုံမှန်အဝင်ရှိပြီး ယခင်ကထက် အဝင်နည်းနေပါသည်။ ရခိုင်ဝယ်လက်များမှ တိုက်ရိုက်ဆင်းပြီး ဝယ်ယူမှုများရှိနေသည့်အတွက် ချင်းစိုက်ပျိုးရာ အောင်ပန်း၊ တောင်ကြီးဘက်မှ တောင်သူများလည်း ဈေးတင်ရောင်းချမှုများရှိသဖြင့် နယ်ဝယ်လက်များမှပါ ဈေးကောင်းပေးပြီး မှာယူရောင်းချနေပါသည်။ ယခုတစ်ပတ်ပွဲရုံများ၌ ချင်းတစ်ပိဿာကို ၇၀၀၀-၈၀၀၀ ကျပ်နှင့် လက်လီဈေးမှာ တစ်ပိဿာလျှင် ၉၀၀၀-၁၀၀၀၀ကျပ်ရှိပြီး ချင်းဓါးလှီးတစ်ပိဿာ ၅၀၀၀ကျပ်ဈေးရှိပြီး၊ ချင်းဓါး လှီးသမားများမှာ လက်လီ/လက်ကားရောင်းဝယ်သူများနှင့် ဧရာဝတီတိုင်းဒေသကြီး၊ ရခိုင် ပြည်နယ်သို့ တင်ပို့မှုအပါအဝင် ပွဲရုံများ၌ ပိဿာချိန် ၂၀၀၀ ခန့် အရောင်းအဝယ်ဖြစ်ပြီး ယခင်ကာလများထက် အရောင်းအဝယ်ပါးလျက်ရှိကြောင်း သိရပါသည်။
DOCA(ပဲခူး)