မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ ၂၀၂၃ခုနှစ်၊ အောက်တိုဘာလ (ဒုတိယပတ်)တွင် အရောင်းအဝယ်ဖြစ်လျက်ရှိသော စားသုံးဆီဈေးနှုန်းများမှာ ပဲဆုံဆီ လက်ကားတစ်ပိဿာလျှင် ကျပ်(၁၃၀၀၀)၊ လက်လီတစ်ပိဿာလျှင် ကျပ်(၁၄၈၀၀-၁၅၀၀၀)၊ ပဲရောဆီ လက်ကားတစ်ပိဿာလျှင် ကျပ်(၁၁၀၀၀)၊ လက်လီတစ်ပိဿာလျှင် ကျပ်(၁၁၅၀၀)၊ နှမ်းဆီ လက်ကားတစ်ပိဿာလျှင် ကျပ်(၁၂၈၀၀)၊ လက်လီတစ်ပိဿာလျှင် ကျပ်(၁၃၀၀၀)၊ စားအုန်းဆီ လက်ကားတစ်ပိဿာလျှင် ကျပ်(၄၈၀၀)၊ လက်လီတစ်ပိဿာလျှင်ကျပ် (၅၀၀၀/၆၀၀၀)၊ နေကြာဆီ လက်ကားတစ်ပိဿာလျှင် ကျပ် (၁၂၅၀၀)နှင့် လက်လီတစ်ပိဿာလျှင် ကျပ်(၁၃၀၀၀)ဈေးနှုန်းတို့ဖြင့် အရောင်းအဝယ်ဖြစ်လျက်ရှိပါသည်။
အောက်တိုဘာလ(ပထမပတ်)ဈေးနှုန်းတို့နှင့်နှိုင်းယှဉ်ကြည့်လျှင် အောက်တိုဘာလ (ဒုတိယပတ်)တွင် နှမ်းဆီဈေးနှုန်းမှာ ဈေးငြိမ်ပြီး ပဲဆီနှင့်နေကြာဆီဈေးနှုန်းမှာ ဈေးအနည်းငယ်ကျ၍ အရောင်းအဝယ်ဖြစ်လျက်ရှိကြောင်း၊ စားအုန်းဆီဈေးနှုန်းမှာလည်း ယခင်က တစ်ပိဿာလျှင် ကျပ်(၅၀၀၀)မှ ယခုအချိန်၌ တစ်ပိဿာလျှင် ကျပ်(၄၈၀၀)ဖြစ်၍ ဈေးနှုန်းကျဆင်းနေပြီး အရောင်းအဝယ်ဖြစ်နေကြောင်းသိရှိရပါသည်။
ပခုက္ကူမြို့ရှိ စားသုံးသူများသည် မြေပဲဆီကိုသာအဓိကစားသုံးမှုများပြီး လုပ်ငန်းရှင်များကလည်း မြေပဲဆံ၊ မြေပဲဆီများကို ထုတ်လုပ်ရောင်းဝယ်ဖောက်ကားလျက်ရှိပြီး မြန်မာနိုင်ငံနေရာဒေသအနှံ့အပြားသို့ မြေပဲဆီများ ထုတ်လုပ်တင်ပို့ရောင်းချဖြန့်ဖြူးလျက်ရှိကြောင်းသိရှိရပါသည်။
DOCA(မကွေး)