တောင်ငူမြို့တွင် ရွှေဘိုပေါ်ဆန်းဈေးနှုန်းတည်ငြိမ်ပြီး အခြားဆန်ဈေးနှုန်းကျ

    တောင်ငူမြို့တွင်  ရွှေဘိုပေါ်ဆန်းတစ်အိတ်လျှင် ၁၅၅၀၀၀ကျပ်ဖြင့် ဈေးနှုန်းတည်ငြိမနေပြီး ဖျာပုံပေါ်ဆန်းမှာ ၂၀၂၃ခုနှစ်၊ အောက်တိုဘာလ ဒုတိယအပတ်တွင် တစ်အိတ်လျှင် ၁၃၀၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၁၁၀၀၀၀ကျပ်၊ ဒေသပေါ်ဆန်းမှာ ယခင်အပတ်တွင် တစ်အိတ်လျှင် ၁၂၀၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၁၀၃၀၀၀ကျပ်၊ ဧည့်မထဆန်ဟောင်းမှာ ယခင်အပတ်တွင် တစ်အိတ်လျှင် ၈၀၀၀၀ကျပ်မှ ၈၅၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၇၈၀၀၀ကျပ်မှ ၈၀၀၀၀ကျပ်အထိနှင့် ဧည့်မထဆန်သစ်မှာ ယခင်အပတ်တွင် တစ်အိတ်လျှင် ၆၃၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၅၆၀၀၀ကျပ်မှ ၅၈၀၀၀ကျပ်အထိဖြင့် ဈေးနှုန်းကျဆင်းလာပါသည်။

       စပါးအဟောင်းလက်ကျန်မရှိတော့ဘဲ စပါးအသစ်မှာ တင်း၁၀၀လျှင် ၁၆၀၀၀၀၀ကျပ်၊ ဆန်ကွဲကြီးမှာ တစ်အိတ်လျှင် ၅၀၀၀၀ကျပ်၊ ဆန်ကွဲသေးမှာ တစ်အိတ်လျှင် ၄၃၀၀၀ကျပ်၊ ဖွဲနုမှာ ယခင်အပတ်ဈေးနှုန်းအတိုင်း တစ်အိတ်လျှင် ၂၆၀၀၀ကျပ်ဖြင့် ဈေးတည်ငြိမ်နေပါသည်။

      မတ်ပဲ(၃၀ ပိဿာအိတ်)မှာ ယခင်အပတ်တွင် တစ်အိတ်လျှင် ၁၂၃၀၀၀ကျပ်ရှိခဲ့ရာမှ ယခုအပတ်တွင် ၁၂၈၀၀၀ကျပ်ဖြင့် ဈေးနှုန်းအနည်းငယ်တက်လာပါသည်။ ပဲလွန်းဖြူနှင့် ပဲတီစိမ်းမှာ အရောင်းအဝယ်မရှိကြောင်းသိရပါသည်။

DOCA(ပဲခူး)