![](http://www.doca.gov.mm/sites/default/files/styles/consumer_inner_image__847x424_/public/818.jpg?itok=vpQpDBZ3)
စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်၊ ဒု-ဦးစီးမှူး ဒေါ်မြင့်မြင့်သန်းနှင့် ဒေါ်တင်မာရီတို့သည် ခရိုင်ဦးစီးမှူး၏လမ်းညွှန်မှုဖြင့် ဆိပ်ဖြူမြို့နယ်အတွင်းရှိ စားသုံးသူပြည်သူများ သက်သာသောဈေးနှုန်းများဖြင့် စားအုန်းဆီများဝယ်ယူစားသုံးနိုင်ရေးအတွက် မြို့နယ်စီမံအုပ်ချုပ်ရေးအဖွဲ့၏ စီမံဆောင်ရွက်မှုဖြင့် စားအုန်းဆီများဖြန့်ဖြူးရောင်းချပေးလျက်ရှိပါသည်။ စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကော်မတီမှထုတ်ပြန်ပေးလျက်ရှိသော ရည်ညွှန်းဈေးအပေါ်အခြေခံ၍ အိမ်ထောင်စုတစ်စုလျှင် တစ်ပိဿာနှုန်းရောင်းချပေးလျက်ရှိပါသည်။
(၁၁-၁၀-၂၀၂၃)ရက်နေ့တွင် အလယ်ပိုင်းရပ်ကွက်ရှိ ရတနာဘုံကျော်ဘုန်းကြီးကျောင်း၌ အိမ်ထောင်စု(၆၀၀)စုအတွက် စားအုန်းဆီပိဿာ(၆၀၀)ပိဿာကိုလည်းကောင်း၊ (၁၂-၁၀-၂၀၂၃)ရက်နေ့တွင် ရွာသစ်ရပ်ကွက်ရှိ ဆုတောင်းပြည့်ဘုန်းကြီးကျောင်း၌ အိမ်ထောင်စု (၆၀၀)စုအတွက် စားအုန်းဆီပိဿာ (၆၀၀)ပိဿာနှင့် ကမ္ဘာကြီးကျေးရွာအုပ်စုရှိ အိမ်ထောင်စု (၄၀၀)စုအတွက် ရွာသစ်ရပ်ကွက်၊ ဆုတောင်းပြည့်ဘုန်းကြီးကျောင်းဝိုင်းအတွင်း၌ စားအုန်းဆီပိဿာ(၄၀၀)ပိဿာကိုလည်းကောင်း၊ (၁၄-၁၀-၂၀၂၃) ရက်နေ့တွင် ဌာနဆိုင်ရာဝန်ထမ်းအိမ်ထောင်စု (၁၀၀၀)စုအတွက် အထွေထွေအုပ်ချုပ်ရေးမှူးရုံးရှိ ငွေသဲဖြူခန်းမရှေ့၌ စားအုန်းဆီပိဿာ(၁၀၀၀)ပိဿာကိုလည်းကောင်း၊ ချင်တောင်ကျေးရွာအုပ်စုရှိ အိမ်ထောင်စု (၇၀၀)စုအတွက် ရွာသစ်ရပ်ကွက်ရှိ ဆုတောင်းပြည့်ဘုန်းကြီးကျောင်းဝိုင်းအတွင်း၌ စားအုန်းဆီပိဿာ(၇၀၀)ပိဿာကိုလည်းကောင်း၊ စုစုပေါင်းစားအုန်းဆီပိဿာ(၃၃၀၀)ပိဿာကို နေ့စဉ် နံနက်(၀၈:၀၀)နာရီအချိန်နှင့် နေ့လယ်(၁၃:၀၀)နာရီအချိန်တို့တွင် ဆီတစ်ပိဿာလျှင် ကျပ်(၅၀၀၀)ဈေးနှုန်းဖြင့် စားသုံးသူပြည်သူများအား အလှည့်ကျတန်းစီစနစ်ဖြင့် ရောင်းချပေးမှုအခြေအနေကို ကွင်းဆင်းစိစစ်ကြပ်မတ်ဆောင်ရွက်ခြင်းများပြုလုပ်ခဲ့ကြောင်း သတင်းရရှိပါသည်။
DOCA(မကွေး)