စစ်ကိုင်းတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ဝန်ထမ်းများနှင့် ဒေသခံပြည်သူများ နေ့စဉ်နေထိုင်စားသောက်ရေး အထောက်အကူဖြစ်စေရန် အခြေခံစားသောက်ကုန်များအား သက်သာသောဈေးနှုန်းဖြင့် ၂၀၂၃ ခုနှစ်၊ အောက်တိုဘာလ (၂၁)ရက်နေ့ နံနက် (၈:၀၀)နာရီအချိန်တွင် ရွှေဘိုမြို့၊ အမှတ်(၅)ရပ်ကွက်၌ ရောင်းချပေးခဲ့ကြောင်း သိရှိရပါသည်။
ဝန်ထမ်းများနှင့် ဒေသခံပြည်သူများအား သက်သာသောဈေးနှုန်းဖြင့် ရောင်းချပေးခြင်းကို စစ်နယ်မြေမှူးနှင့်တာဝန်ရှိသူများ၊ ခရိုင်စီမံအုပ်ချုပ်ရေးအဖွဲ့ဝင်များ၊ ဒုခရိုင်အုပ်ချုပ်ရေးမှူး၊ မြို့နယ် စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၏ ဦးဆောင်မှုဖြင့် ခရိုင်စက်မှုကြီးကြပ်ရေးနှင့် စစ်ဆေးရေးဦးစီးဌာန၊ စားသုံးသူရေးရာဦးစီးဌာန၊ ငါးလုပ်ငန်းဦးစီးဌာန၊ အထွေထွေအုပ်ချုပ်ရေးဦးစီးဌာန ဝန်ထမ်းများက လွတ်လပ်စွာဝယ်ယူနိုင်ရေး ဆောင်ရွက်ပေးလျက်ရှိရာ ရောင်းချပေးသည့် အခြေခံ စားသောက်ကုန် တန်ဘိုးအရေအတွက်အားဖြင့် ကြက်ဥ(၅)လုံး (၁၀၀ဝိ/-)ကျပ်နှုန်းဖြင့် ကြက်ဥ (၁၅၀၀)လုံး၊ ငါးခြစ်(၂၀)သား (၂၅ဝဝိ/-)ကျပ်နှုန်းဖြင့် ပိဿာချိန် (၆၀)၊ ဆီ (၅၀)သားဘူး (၁)ဘူးလျှင် (၂၅၀ဝိ/-)ကျပ်နှုန်းဖြင့် ဆီ(၄၀၀)ဘူး၊ ရွှေဘိုပေါ်ဆန်းတစ်ပြည်(၅၀၀ဝိ/-)ကျပ်နှုန်းဖြင့် ပြည်(၆၀)၊ ရွှေဝါထွန်း ဆန်(၁)ပြည်လျှင် (၂၅၀ဝိ/-)ကျပ်နှုန်းဖြင့် ပြည်(၄၀၀)တို့ကို ဈေးနှုန်းချိုသာစွာဖြင့် လက်ဝယ်အရောက် ရောင်းချပေးခဲ့ရာ ဌာနဆိုင်ရာဝန်ထမ်းများနှင့်ဒေသခံပြည်သူများမှ စနစ်တကျ တန်းစီ၍ ဝယ်ယူခဲ့ကြောင်း သိရှိရပါသည်။
DOCA(စစ်ကိုင်း)