တိုင်းဒေသကြီး/ပြည်နယ်အသီးသီးရှိ ခရိုင် ၅၀တို့တွင် (၂၀၂၃-၂၀၂၄) စာသင်နှစ်အတွင်း စိုက်ပျိုးမွေးမြူရေးအထက်တန်းကျောင်းများဖွင့်လှစ်ပေးခဲ့ရာ တောင်ငူခရိုင်တွင်လည်း စိုက်ပျိုးမွေးမြူရေးအထက်တန်းကျောင်းကို အုတ်တွင်းမြို့နယ်၊ ညောင်ခြေထောက် အခြေခံပညာအထက်တန်းကျောင်း၌ တွဲလျက်ဖွင့်လှစ်ထားပါသည်။ စတင်ဖွင့်လှစ်သည့် ယခုစာသင်နှစ်တွင် ကျောင်းသား/ ကျောင်းသူ ၂၇ဦးတက်ရောက်ပညာသင်ကြားလျက်ရှိပါသည်။
၂၀၂၃ခုနှစ်၊ အောက်တိုဘာလ ၂၃ရက်နေ့တွင် ညောင်ခြေထောက် စိုက်ပျိုးမွေးမြူရေးအထက်တန်းကျောင်းမှ ကျောင်းသား/ကျောင်းသူ ၂၇ဦးအား မွေးမြူရေးနှင့်ကုသရေးဦးစီးဌာနမှ တာဝန်ရှိသူများက မွေးမြူရေးဆိုင်ရာဘာသာရပ်ကို လက်တွေ့သင်ကြားပေးခဲ့ပြီး အုတ်တွင်းမြို့နယ်၊ ပေါက်တောကျေးရွာအုပ်စု၊ ဗောဓိကုန်းကျေးရွာရှိ “လင်း”ဥစားကြက်မွေးမြူရေးခြံ၌ ဥစားကြက်မွေးမြူခြင်း၊ ကာကွယ်ဆေးထိုးနှံခြင်း၊ ကြက်ဥထုတ်လုပ်ဖြန့်ဖြူးခြင်းနှင့် တိရစ္ဆာန်အစာများဖြစ်သော နေဗီယာမြက်များစိုက်ပျိုးထားရှိမှိုကို လက်တွေ့ကွင်းဆင်းသင်ကြားပြသပေးကြောင်းသိရပါသည်။
DOCA(ပဲခူး)