“ သန်လျင်မြို့နယ်၌ စားအုန်းဆီ လက်လီ/လက်ကားအရောင်းဆိုင်များသို့ ကွင်းဆင်း

     ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးဌာနမှူးရုံးလက်အောက်ရှိ သန်လျင်မြို့နယ်မှ ဦးဝင်းအောင်၊ ဒု-ဦးစီးမှူးသည် သန်လျင်မြို့နယ်အတွင်းရှိ သန်လျင်မြို့မဈေးတွင် စားအုန်းဆီအရောင်းဆိုင်များနှင့် မြန်မာနိုင်ငံဆီကုန်သည်ကြီးများအသင်းမှ ရောင်းချခွင့်ပေးထားသည့် လက်လီ/ လက်ကားရောင်းချလျက်ရှိသော စားအုန်းဆီဆိုင်များကို ၂၀၂၃ခုနှစ်၊ အောက်တိုဘာလ(၂၅)ရက်နေ့၊ နံနက် (၉:၃၀) နာရီအချိန်တွင် တာဝန်ရှိသူများနှင့်ကွင်းဆင်းစစ်ဆေးခဲ့ပါသည်။

     ထိုသို့ကွင်းဆင်းစစ်ဆေးရာတွင် သန်လျင်မြို့နယ်၊ မြို့မဈေးရှိ စားအုန်းဆီရောင်းချနေသည့်ဆိုင်များ၊ မြန်မာနိုင်ငံဆီကုန်သည်များအသင်းမှ ရောင်းချခွင့်ပေးထားသည့် စားအုန်းဆီကိုယ်စားလှယ်(၂၈)ဦးရောင်းချနေသည့် စားအုန်းဆီလက်လီ/လက်ကားဖြန့်ဖြူးပေးနေသောဆိုင်များကို မြို့နယ်အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး အဖွဲ့ဝင်(၁)၊ မြို့နယ်စီမံအုပ်ချုပ်ရေးအဖွဲ့မှ အဖွဲ့ဝင်(၂)၊ မြို့နယ်စည်ပင်သာယာရေးဦးစီးဌာနမှ ဒုတိယဦးစီးမှူး၊ မြန်မာနိုင်ငံရဲတပ်ဖွဲ့ဦးစီးဌာနမှ ဒုတိယရဲအုပ်၊ စားသုံးသူရေးရာဦးစီးဌာနမှ ဒုတိယဦးစီးမှူး၊ ဈေးတာဝန်ခံများနှင့်ဝန်ထမ်းများ၊ မြို့နယ်ဆီကုန်သည်နှင့်ဆီလုပ်ငန်းရှင်များအသင်းမှ မြို့နယ်ကိုယ်စားလှယ်များပါဝင်သောအဖွဲ့က စားအုန်းဆီရောင်းချနေမှုနှင့် ဈေးနှုန်းတည်ငြိမ်မှုတို့ကို အခြေခံလက်ကားရည်ညွှန်းဈေး သယ်ယူစရိတ်ပါ (၂) ရာခိုင်နှုန်းအမြတ်ယူပြီး မိမိတို့မြို့နယ်အတွင်း လက်လီ/လက်ကားဆိုင်များစာရင်းကို ထုတ်ပြန်ကြေညာပေးလျက်ရှိကြောင်းနှင့် ကုန်အမှတ်တံဆိပ်ခွဲခြားရောင်းချမှုရှိ/မရှိတို့ကို လိုက်လံကြည့်ရှုကွင်းဆင်းစစ်ဆေးခဲ့ပါသည်။

DOCA(ရန်ကုန်)