၂၆.၁၂.၂၀၂၁ ရက်နေ့၊ ကရင်ပြည်နယ် ဘားအံမြို့ ခရိုင်မီးသတ်ဦးစီးဌာန၌ နံနက် (၉:၀၀) နာရီအချိန်တွင် ကရင်ပြည်နယ် စားသုံးသူရေးရာဦးစီးဌာန၊ မီးသတ်ဦးစီးဌာနနှင့် လူမှုဝန် ထမ်းဦးစီးဌာနတို့ပူးပေါင်း၍ အသိပညာပေးဟောပြောခဲ့ကြပါသည်။
အဆိုပါဟောပြောပွဲတွင် လူမှုဝန်ထမ်းဦးစီးဌာနမှ ဒေါ်ခိုင်ခိုင်အောင်က ကလေးငယ်များအား COVID – 19 ကပ်ရောဂါမကူးစက်အောင် အသိပညာပေးဟောပြော ဆွေးနွေးခဲ့ပြီး မီးသတ်ဦးစီးဌာနမှ ဒေါ်ယဉ်မွန်မြင့် က ရာသီတုပ်ကွေးရောဂါနှင့်ပတ်သက်၍ အသိပညာပေးဟောပြောဆွေးနွေးခဲ့ပါသည်။
ဆက်လက်၍ ကရင်ပြည်နယ် စားသုံးသူရေးရာဦးစီးဌာနရုံးမှ ဒေါ်စုနွေးသီရိမောင် က စားသုံးသူကာကွယ်ရေးဥပဒေအကြောင်း၊ စားသုံးသူအခွင့်အရေးနှင့် စီးပွားရေးလုပ်ငန်းရှင်များ လိုက်နာရမည့်တာဝန်များအကြောင်း၊ စားသုံးသူနစ်နာမှုရှိပါကတိုင်ကြားနိုင်ကြောင်း၊ ထုတ်ကုန်လုံခြုံစိတ်ချရမှုရှိစေရန်အတွက် ကုန်အညွှန်းအမှတ်အသားနှင့်စပ်လျဉ်း၍ ကုန်စည်များပေါ်တွင် အဓိကပါဝင်ရမည့်အချက် များအကြောင်းနှင့် စားသုံးသူများ ကျန်းမာစေရန်အတွက် စားသုံးဆီအကြောင်း သိကောင်းစရာများကို အကျယ်တဝင့် ရှင်းလင်းဆွေးနွေးပြောကြားခဲ့ပါသည်။ ဟောပြောပွဲသို့ လူဦးရေ (၃၀)ဦး တက်ရောက်ခဲ့ပြီး လက်ကမ်းစာစောင်များဖြန့်ဝေခဲ့ကြောင်း သိရှိရပါသည်။
စားသုံးသူရေးရာဦးစီးဌာန(ကရင်ပြည်နယ်)