၂၀၂၁ ခုနှစ်၊ ဒီဇင်ဘာလ (၂၃)ရက် နံနက်(၁၀)နာရီအချိန်တွင် တာချီလိတ်မြို့နယ်၊ ဖန်မင် ကျေးရွာအုပ်စု၊ ဝမ်ကောကျေးရွာရှိ GAP စနစ်ဖြင့်စိုက်ပျိုးထားသော ရွှေရှင်းပျားလိမ္မော်ခြံ ဧက(၂၀၀)စိုက်ခင်းသို့ ပြည်တွင်းကုန်သွယ်မှုဖွံ့ဖြိုးရေးနှင့် ပြည်ပပို့ကုန်ပိုမိုတိုးတက်ရေးအတွက် ရှမ်းပြည်နယ်(အရှေ့ ပိုင်း)၊ စားသုံးသူရေးရာဦးစီးဌာန၊ တာချီလိတ်မြို့နယ်တာဝန်ခံနှင့် ဝန်ထမ်းများ ကွင်းဆင်းလေ့လာ ဆောင်ရွက်ခဲ့ပါသည်။
လိမ္မော်ခြံလုပ်ငန်းရှင်ဦးအားဟုန်နှင့် တွေ့ဆုံပြီး စိုက်ဧက၊ သွင်းအားစု၊ သီးနှံထွက်ရှိမှုအခြေ အနေ၊ ဈေးနှုန်း/ဈေးကွက်အခြေအနေတို့အား မေးမြန်း၍ ပိုးသတ်ဆေး/ ပေါင်းသတ်ဆေးအန္တရာယ် များအား သတိပြုရန်နှင့် ပြည်တွင်းဈေးကွက်အတွင်း ပိုမိုဖြန့်ဖြူးနိုင်ရေးနှင့် ထိုင်းနိုင်ငံသို့ တင်ပို့မည့် အခြေအနေတို့အား တွေ့ဆုံဆွေးနွေးခဲ့ပါသည်။ ရှမ်းပြည်နယ်(အရှေ့ပိုင်း)၊ တာချီလိတ်ဒေသမှထွက် ရှိသော ပျားလိမ္မော်သီးသည် အရသာကောင်းမွန်ခြင်း၊ ဈေးနှုန်းသင့်ခြင်းတို့ကြောင့် ပြည်ပသို့ တင်ပို့နိုင်ပါက နိုင်ငံခြားဝင်ငွေရရှိခြင်း၊ ဒေသခံပြည်သူများ အနေနှင့် အလုပ်အကိုင်အခွင့်အလမ်းများရရှိခြင်း စသည့်အကျိုးကျေးဇူးများရရှိကြောင်းသိရပါသည်။
DOCA-Shan