ပဲခူးတိုင်းဒေသကြီး၊ ပြည်ခရိုင်ဦးစီးမှူးရုံးလက်အောက်ရှိ ပြည်မြို့နယ်တာဝန်ခံ ဦးထွန်းနိုင်လင်းနှင့်ဝန်ထမ်းများသည် ပြည်မြို့နယ်အတွင်းရှိ ဆေးဆိုင်များသို့သွားရောက်၍ ၂၀၂၃ခုနှစ်၊ နိုဝင်ဘာလ(၉)ရက်နေ့၊ နံနက် (၁၀:၀၀) နာရီအချိန်တွင် တာဝန်ရှိသူများနှင့်အတူ မြေပြင်ကွင်းဆင်းစစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးရာတွင် မိတ်ဖက်ဌာနများဖြစ်သော ပြည်မြို့နယ်၊ စည်ပင်သာယာရေးဦးစီးဌာနမှ ဈေးတာဝန်ခံ၊ မြို့နယ်ကျန်းမာရေးဦးစီးဌာနမှ တာဝန်ရှိကျန်းမာရေးဆရာဝန်များနှင့် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများပူးပေါင်းအဖွဲ့ဖြင့် ဈေးကွက်အတွင်း စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် ဂျာမဏီနိုင်ငံထုတ် Paebisure IV/HV Injection အကြောအားဆေးနှင့်ဆင်တူ တရားဝင်မှတ်ပုံတင်ခွင့်ပြုချက်အမှတ် DRC No. နှင့် Insent ပါရှိခြင်းမရှိသည့် Parbisure အမှတ်တံဆိပ်ပါ ဆေးဝါးများနှင့်ဆင်တူသော ဆေးဝါးများရောင်းချခြင်းရှိ/မရှိနှင့် မိမိတို့၏ဆေးဆိုင်များတွင် မှတ်ပုံတင်ပါရှိသော ဆေးဝါးများကိုသာရောင်းချရန်နှင့် မှတ်ပုံတင်မထားသည့်ဆေးဝါးများရောင်းချသည်ကိုတွေ့ရှိပါက တရားမဝင်ရောင်းဝယ် ဖောက်ကားမှုဥပဒေနှင့်အညီ အရေးယူခံရမည်ဖြစ်ပါကြောင်း အသိပညာပေးဟောပြောခဲ့ပြီး ရှောင်တခင်ကွင်းဆင်းစစ်ဆေးခဲ့ကြကြောင်းသိရှိရပါသည်။
DOCA(ပဲခူး)