ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံးလက်အောက်ရှိ ကော့မှူးမြို့နယ်တာဝန်ခံ ဦးတင်မင်းသည် ၂၀၂၃ခုနှစ်၊ နိုဝင်ဘာလ(၁၃)ရက်နေ့၊ နံနက် (၁၁:၃၀)နာရီအချိန်တွင် မြို့မစည်ပင်သာယာဈေးပြင်ပရပ်ကွက်များရှိ စားသောက်ကုန်ပစ္စည်းအရောင်းဆိုင်များသို့သွားရောက်ကာ လုပ်ငန်းရှင်များကိုတွေ့ဆုံ၍ ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသော စားသောက်ကုန်ပစ္စည်းများဖြန့်ဖြူးရောင်းချခြင်းမပြုလုပ်စေရေး ဈေးကွက်အတွင်း ကွင်းဆင်းစစ်ဆေးအသိပညာပေးခဲ့ပါသည်။
ထိုသို့ ဈေးကွက်အတွင်း ကွင်းဆင်းစစ်ဆေးရာ မြို့နယ်စည်ပင်သာယာရေးဦးစီးဌာန၊ မြို့နယ်ကျန်းမာရေးဦးစီးဌာန၊ မြို့နယ်စားသုံးသူရေးရာဦးစီးဌာနတို့မှ ဝန်ထမ်းများပူးပေါင်းအဖွဲ့က ကော့မှူးမြို့နယ်စည်ပင်သာယာမြို့မဈေးအပြင် ရပ်ကွက်များရှိ စားသောက်ကုန်ပစ္စည်းအရောင်းဆိုင်များသို့သွားရောက်၍ လုပ်ငန်းရှင်များနှင့်တွေ့ဆုံကာ စားသုံးသူပြည်သူများအား အဓိကစားသောက်ကုန်ပစ္စည်းများဖြစ်သော စားသုံးဆီ၊ အချိုရည်၊ သောက်ရေသန့်အမျိုးမျိုးတို့အပြင် အခြားထုပ်ပိုးပြီးသား အသင့်ဖျော်ကော်ဖီအမျိုးမျိုးနှင့် အခြားအသင့်ဖျော်အချိုရည်အမျိုးမျိုးတို့ရောင်းချရာတွင် ထုတ်ကုန်လုံခြုံစိတ်ချရမှုရှိစေရေးနှင့် စားသုံးသူများ ဘေးအန္တရာယ်ကင်းရှင်းစေရေးအတွက် စံချိန်၊ စံညွှန်းများနှင့်ကိုက်ညီမှုမရှိသောစားသောက်ကုန်များ၊ ကုန်အညွန်းအမှတ်အသားဖော်ပြချက်ပြည့်စုံစွာမပါရှိသော စားသောက်ကုန်ပစ္စည်းများ၊ သက်တမ်းလွန်နေသော အစားအသောက်များရောင်းချခြင်းမပြုစေရေး စသည့် စားသုံးသူကာကွယ်ရေးဆိုင်ရာ သိကောင်းစရာများကိုအကြံပြုဆွေးနွေးခဲ့ပြီး ဈေးကွက်အတွင်း ရောင်းချခြင်းလုံးဝမပြုလုပ်ရန်နှင့် သက်ဆိုင်ရာဌာနများမှတားမြစ်ထားသော စားသောက်ကုန်ပစ္စည်းများကို မိမိတို့၏ဈေးဆိုင်တွင် ဖြန့်ဖြူးရောင်းချခြင်းကိုစစ်ဆေးတွေ့ရှိပါက သက်ဆိုင်ရာဥပဒေ၊ လုပ်ထုံးလုပ်နည်းများနှင့်အညီ ထိရောက်စွာအရေးယူဆောင်ရွက်သွားမည်ဖြစ်ကြောင်းကို ရှင်းလင်းဆွေးနွေးပြောကြားခဲ့ကြောင်း သတင်းရရှိပါသည်။
DOCA(ရန်ကုန်)