စားသုံးသူကာကွယ်ရေးဥပဒေ ၂၀၁၉၊ အခန်း(၁၈)၌ ကုန်အညွှန်းအမှတ်အသားဖော်ပြခြင်းနှင့်စပ်လျဉ်းသည့် အချက်အလက်များကိုပြဋ္ဌာန်းထားပြီး ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖော်ပြရန် စသည့်အသေးစိတ်အချက်အလက်များကို စီးပွားရေးလုပ်ငန်းရှင်များလိုက်နာရန်အတွက် မြန်မာနိုင်ငံ၏စားသုံးသူကာကွယ်ရေးကော်မရှင်အနေဖြင့် ညွှန်ကြားချက်အမှတ် (၂/၂၀၁၉)ဖြင့် ထုတ်ပြန်ထားပြီးဖြစ်ပါသည်။ ထုတ်ကုန်လုံခြုံစိတ်ချရမှုဌာနခွဲအနေဖြင့် ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားခြင်းကို ညွှန်ကြားချက် (၂/၂၀၁၉) နှင့်အညီ စိစစ်ဆောင်ရွက်ပေးလျက်ရှိပြီး ပြည်ခရိုင်အနေဖြင့် ၂၀၂၃ခုနှစ်၊ နိုဝင်ဘာလ ၁ရက်နေ့မှ ၁၅ရက်နေ့အတွင်း ကုန်အညွှန်းအမှတ်အသားဖော်ပြချက်နှင့်စပ်လျဉ်း၍ ပြည်မြို့၊ အောင်ဆန်းပြည်သာယာရပ်ကွက်၊ ခရမ်းကုန်း၊ အိမ်အမှတ်(၅၀)၊ စံပြလမ်းရှိ ဒေါ်သူဇာလွင်စိုးထုတ်လုပ်ရောင်းချသည့် “T Now”၊ “ရွှေကိုလာဂျင် ရေချိုးဆပ်ပြာရည်” လုပ်ငန်းနှင့် “ဓနတိုး” အမှတ်တံဆိပ်ပါ ဘက်စုံသုံးဆပ်ပြာဆီ၊ အဝတ်လျှော်ဆပ်ပြာရည်၊ ပန်းကန်ဆေးဆပ်ပြာရည်လုပ်ငန်းတို့၏ တင်ပြလျှောက်ထားမှုအပေါ် စိစစ်အတည်ပြုပေးနိုင်ခဲ့ပါကြောင်းနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားပြည့်စုံစွာဖော်ပြမှုရှိစေရေးနှင့် စီးပွားရေးလုပ်ငန်းရှင်များ သိရှိလိုက်နာဆောင်ရွက်ရမည့်တာဝန်နှင့် တားမြစ်ချက်များအကြောင်းတို့ကို ရှင်းလင်းဆွေးနွေးအသိပညာပေးခဲ့ကြောင်း သတင်းရရှိပါသည်။
DOCA(ပဲခူး)