မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် သစ်သီးဝလံများကို မင်းဘူးမြို့၊ မကွေးမြို့၊ ပွင့်ဖြူမြို့၊ မန္တလေးမြို့၊ တောင်တွင်းကြီးမြို့၊ သရက်မြို့နှင့် အခြားမြို့များမှလည်း မှာယူ၍ရောင်းချလျက်ရှိကြောင်းသိရှိရပါသည်။
၂၀၂၃ခုနှစ်၊ နိုဝင်ဘာလ(စတုတ္တပတ်)တွင် အထက်မင်းလှမြို့၊ ဇေယျာသီရိဈေးရှိ သစ်သီးဝလံဈေးနှုန်းများမှာ ဖရဲသီး(၁)လုံးလျှင် ကျပ်(၃၅၀၀)၊ စပျစ်သီး(အလုံးကြီး)(၁)ပိဿာလျှင် ကျပ် (၂၄၀၀၀)၊ ပန်းသစ်တော်သီး(၁)လုံးလျှင် ကျပ်(၃၅၀၀)၊ ပန်းသီး(၁)လုံးလျှင် ကျပ်(၁၀၀၀-၁၅၀၀)၊ ထောပတ်သီး(၁)လုံးလျှင် ကျပ်(၁၀၀၀)၊ သလဲသီး(၁)လုံးလျှင် ကျပ်(၃၀၀၀)၊ နဂါးမောက်သီး(၁)လုံး လျှင် ကျပ်(၂၀၀၀)၊ နှင်းသီး(၁)ပိဿာလျှင် ကျပ်(၁၀၀၀၀)၊ လိမ္မော်သီး(အသေး)(၁)ပိဿာလျှင် ကျပ် (၆၀၀၀)၊ ယိုးဒယားသရက်သီး(၁)လုံးလျှင် ကျပ်(၁၅၀၀)၊ တည်သီး(၁)လုံးလျှင် ကျပ်(၁၅၀၀)၊ ငှက်ပျောသီး(ဖီးကြမ်း)(၁)ဖီးလျှင် ကျပ်(၂၅၀၀)၊ အုန်းသီး(၁)လုံးလျှင် ကျပ်(၄၀၀၀)ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်း ဇေယျာသီရိဈေးအတွင်းရှိ သစ်သီးရောင်းဝယ်သူဈေးသည်များထံမှသိရှိရပါသည်။
DOCA(မကွေး)