မိတ္ထီလာဈေးကွက်မှ နယ်ဝေးဒေသများသို့ ၂၀၂၃ခုနှစ်၊ ဒီဇင်ဘာလ ပထမပတ်တွင် ကြက်သွန်နီများကို ကားစီးလုံးတင်ပို့နိုင်ခြင်းမရှိကြောင်းသိရသည်။ ပုံမှန်အားဖြင့် မိတ္ထီလာဈေးကွက်မှ ရန်ကုန်သို့ (၁၂) ဘီးကားဖြင့်လည်းကောင်း၊ ပဲခူးသို့ (၆) ဘီးကားဖြင့်လည်းကောင်း နေ့စဉ်နီးပါးတင်ပို့နေပြီး ကုန်အမှာရှိပါက မြဝတီနှင့်မူဆယ်သို့လည်း တွဲကား (၁၂) ဘီးကားတို့ဖြင့် တင်ပို့လေ့ရှိပါသည်။ ယခုအခါ မိုးကြက်သွန်နီကောင်းစွာထွက်ရှိသည့် ကာလမဟုတ်ခြင်း၊ နွေကြက်သွန်နီမှာလည်း လက်ကျန်နည်းလာခြင်းတို့ကြောင့် တင်ပို့မှုလျော့နည်းကြောင်းသိရသည်။ ကြက်သွန်နီဈေးနှုန်းအနေဖြင့် အဟောင်းဈေးမှာ (၃၀၀၀) ကျပ်ခန့်၊ အသစ်မှာ အရည်အသွေးမမီသေးသော မြိတ်စားများဖြစ်၍ တစ်ပိဿာလျှင် (၂၀၀၀) ကျပ်ခန့်ရှိကြောင်းသိရှိရပါသည်။
DOCA(မန္တလေး)