တောင်ငူမြို့တွင် ယခု ဒီဇင်ဘာ ပထမအပတ်တွင် ရွှေဘိုပေါ်ဆန်း တစ်အိတ်လျှင် ၁၆၀၀၀၀ ကျပ်ဖြင့် ဈေးနှုန်းတည်ငြိမ်နေပါသည်။ ဖျာပုံပေါ်ဆန်း တစ်အိတ်လျှင် ၁၄၅၀၀၀ ကျပ်၊ ဒေသပေါ်ဆန်း တစ်အိတ်လျှင် ၁၃၅၀၀၀ ကျပ်ဖြင့် ဈေးနှုန်းတည်ငြိမ်နေပြီး ဧည့်မထဆန်သစ်မှာ တစ်အိတ်လျှင် ၆၂၀၀၀ ကျပ်မှ ၆၅၀၀၀ ကျပ်အထိဖြင့် ဈေးနှုန်းအနည်းငယ်တက်ပါသည်။
စပါးအသစ်မှာ တင်း ၁၀၀ လျှင် ၁၇၇၀၀၀၀ ကျပ်ဖြင့် ဈေးနှုန်းအနည်းငယ် ကျဆင်းပြီး ဆန်ကွဲကြီးမှာ တစ်အိတ်လျှင် ၄၆၀၀၀ ကျပ်၊ ဆန်ကွဲသေးမှာ တစ်အိတ်လျှင် ၄၂၅၀၀ ကျပ်ဖြင့် ဈေးအနည်းငယ်တက်ပြီး ဖွဲနု တစ်အိတ်လျှင် ၁၈၀၀၀ ကျပ်ဖြင့် ဈေးနှုန်း ကျဆင်းပါသည်။
မတ်ပဲ(၃၀ ပိဿာအိတ်)မှာ ယခု ဒီဇင်ဘာ ပထမပတ်တွင် တစ်အိတ်လျှင် ၁၄၀၀၀၀ ကျပ် ဖြင့် ဈေးနှုန်းအနည်းငယ်တက်ကြောင်း တောင်ငူမြို့ရှိ ဆန်၊ စပါး၊ ပဲပွဲရုံများမှ သိရပါသည်။
DOCA(ပဲခူး)