စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ၂၀၂၂ ခုနှစ် ဇန်နဝါရီ ၁၃ ရက်နေ့တွင် တောင်ငူမြို့၊ ခရိုင်မိုးလေဝသနှင့်ဇလဗေဒညွှန်ကြားမှုဦးစီးဌာနရုံး၌ ကျင်းပသည့် စားသုံးသူကာကွယ်ရေးဆိုင်ရာ အသိပညာပေးဟောပြောပွဲသို့ တက်ရောက်၍ စားသုံးသူကာကွယ်ရေးဆိုင်ရာကိစ္စရပ်များနှင့် အသိပညာပေးခြင်းများအား ပြုလုပ်ခဲ့ပါသည်။
အဆိုပါ ဟောပြောပွဲတွင် မိုးလေဝသနှင့်ဇလဗေဒညွှန်ကြားမှုဦးစီးဌာန ခရိုင်ဦးစီးမှူးဦးမျိုးမြင့်အောင်က အဖွင့်အမှာ စကားပြောကြားခဲ့ပြီး စားသုံးသူရေးရာဦးစီးဌာန တောင်ငူမြို့နယ်တာဝန်ခံ ဦးမြင့်သူက စားသုံးသူအခွင့်အရေးနှင့်တာဝန်များ၊ စားသုံးသူအငြင်းပွားမှုကို ညှိနှိုင်းဖြေရှင်းဆောင် ရွက်ပေးမှုများ၊ မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာဖော်ပြသည့် ကုန်စည်များ အား ရွေးချယ်ဝယ်ယူသင့်သည့်အကြောင်းများကို ရှင်းလင်းဟောပြောပြီး တက်ရောက်လာသူများ ကသိရှိလိုသည်များကို မေးမြန်းကြရာ ခရိုင်ဦးစီးမှူးနှင့် မြို့နယ်တာဝန်ခံတို့က ရှင်းလင်း ဖြေကြားပေးခဲ့ပါသည်။ ဟောပြောပွဲသို့ မိုးလေဝသနှင့်ဇလဗေဒညွှန်ကြားမှုဦးစီးဌာန ခရိုင်ဦးစီးမှူးရုံးမှ အရာထမ်း၊ အမှုထမ်း ၁၁ ဦး တက်ရောက်ကြောင်း သိရှိရပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)