မကွေးတိုင်းဒေသကြီး၊သရက်ခရိုင်၊ ကံမမြို့၊ မြို့နယ်စီမံအုပ်ချုပ်ရေးအဖွဲ့ အစည်းအဝေး ခန်းမ၌ (၈-၁၂-၂၀၂၃)ရက်နေ့၊ နေ့လယ်(၁၄း၀၀)နာရီအချိန်တွင် မြို့နယ်စိုက်ပျိုးမွေးမြူရေးလုပ်ငန်း ကြီးကြပ်မှုကော်မတီအဖွဲ့ဝင်များပါဝင်သောအဖွဲ့မှ ဦးဆောင်၍ နိုင်ငံ့စီးပွားမြှင့်တင်ရေးရန်ပုံငွေဖြင့် ၂၀၂၃-၂၀၂၄ခုနှစ်၊ ဆောင်းသီးနှံ သီးသန့်စိုက်တောင်သူများအား မြေပဲတစ်ဧကလျှင်ကျပ်(၃)သိန်း၊ နှမ်းတစ်ဧကလျှင် ကျပ်(၁.၅)သိန်း၊ နေကြာတစ်ဧကလျှင်ကျပ်(၂)သိန်းနှင့် ညီမျှသည့်သွင်းအားစု (မျိုးစေ့၊ ကွန်ပေါင်း ဓါတ်မြေသြဇာ၊ ယူရီးယားဓါတ်မြေသြဇာ)များကိုဖြန့်ဖြူးပေးမည့် ဝယ်ယူကြိတ်ခွဲ၊ တင်ပို့သူအစုအဖွဲ့၊ သွင်းအားစုအစုအဖွဲ့၊ တောင်သူအစုအဖွဲ့သုံးဦးသုံးဖလှယ် သဘောတူစာချုပ် ချုပ်ပွဲအား ကျင်းပဆောင်ရွက်ခဲ့ပါသည်။
ထိုသို့ ကျင်းပဆောင်ရွက်ရာတွင် ဆောင်းဆီထွက်သီးနှံစိုက်ပျိုးမည့် လျာထားဧက(၈၅၀)ဧကအတွက် ကံမမြို့နယ်အတွင်းရှိ အလပ်လယ်ကျေးရွာ၊ ခြောက်ပင်ကျေးရွာ၊ အုပ်ရှစ်ချိုကျေးရွာ၊ ကျောက်မဲကျေးရွာ၊ အလယ်ကျေးရွာအုပ်စု(၅)အုပ်စုများမှ တောင်သူ(၃၃၇)ဦးအား မြေပဲတစ်ဧက လျှင်ကျပ်(၃)သိန်း၊ နှမ်းတစ်ဧကလျှင်ကျပ်(၁.၅)သိန်း၊ နေကြာတစ်ဧကလျှင်ကျပ်(၂)သိန်းနှင့်ညီမျှ သည့်သွင်းအားစု (မျိုးစေ့၊ ကွန်ပေါင်းဓါတ်မြေသြဇာ၊ ယူရီးယားဓါတ်မြေသြဇာ)များကို ဖြန့်ဖြူးပေးမည်ဖြစ်ပါကြောင်း၊ ချေးယူသည့်ငွေအား ချေးယူသည့်နေ့မှစ၍ (၃)လအတွင်း အရင်း/အတိုး အကျေ ပြန်လည်ပေးဆပ်ရမည်ဖြစ်ပါကြောင်း မြို့နယ်စိုက်ပျိုးမွေးမြူရေးလုပ်ငန်းကြီးကြပ်မှုကော်မတီအဖွဲ့ ဝင်များ ပါဝင်သောအဖွဲ့မှ အစည်းအဝေးတွင် ဆုံးဖြတ်ခဲ့ပါကြောင်း သိရှိရပါသည်။
DOCA(မကွေး)