ပြည်မြို့၏ ဈေးကွက်များအတွင်းသို့ ၂၀၂၃ခုနှစ်၊ ဆောင်းရာသီ ဒီဇင်ဘာလတွင် သင်္ဘောသီးအမှည့်များလာရောက်ရောင်းချကြောင်းသိရပါသည်။ ဆောင်းရာသီတွင် သင်္ဘောသီးအမှည့်များမှာ လူတိုင်းအတွက် ဓာတ်စာတစ်ခုဖြစ်၍ ဝယ်ယူစားသုံးကြပြီး သင်္ဘောသီးအမှည့်များလှိုင်လှိုင်ပေါ်ချိန်ဖြစ်၍ ဈေးမှာလည်း အကြီးတစ်လုံးလျှင် ၇၀၀ကျပ်မှ အသေးတစ်လုံးလျှင် ၅၀၀ကျပ်အထိရောင်းချနေကြောင်းသိရပါသည်။ သင်္ဘောသီးများရင့်မှည့်ချိန်ဖြစ်၍ သင်္ဘောသီးအစိမ်းများရှားပါးလာမှုကြောင့် ဈေးများမြင့်တက်လာခဲ့ပါသည်။ သင်္ဘောသီးအစိမ်းကို သင်္ဘောသီးသုပ်ရောင်းချသူများနှင့် သင်္ဘောသီးသုပ်လုပ်စားသူများက ဝယ်ယူမှုရှိ၍ အကြီးတစ်လုံးလျှင် ၁၀၀၀ကျပ်နှင့် အသေးတစ်လုံးလျှင် ၇၀၀ကျပ်ဖြင့် ရောင်းချလျက်ရှိပါသည်။
ပြည်မြို့ရှိဈေးကွက်များသို့ လာရောက်ရောင်းချလျက်ရှိသော သင်္ဘောသီးများကို ရွှေဘုံသာရွာဘက်မှ လာရောက်ရောင်းချသည့်အပြင် ပြည်မြို့အနီးတစ်ဝိုက်ရှိ ကျေးရွာများမှလည်း လာရောက်ရောင်းချကြောင်းသိရပါသည်။ သင်္ဘောသီးအစိမ်းများမှာ ယခင်တွင် တစ်လုံးလျှင် ၃၀၀ကျပ်မှ ၄၀၀ကျပ်အထိရောင်းချခဲ့သဖြင့် ယခုအချိန်ဈေးနှုန်းနှင့်နှိုင်းယှဉ်လျှင် တစ်လုံးလျှင် ၇၀၀ကျပ်မှ ၅၀၀ကျပ်အထိ ဈေးနှုန်းများမြင့်တက်လာကြောင်းသိရပါသည်။
DOCA(ပဲခူး)