ပဲခူးတိုင်းဒေသကြီး၊ ပြည်ခရိုင်အတွင်းရှိ မြို့နယ်များတွင် ခရမ်းဖြူသီး (ခ)ခရမ်းမီးအုန်းသီးများကို စီးပွားဖြစ်စိုက်ပျိုးသောကြောင့် ခရမ်းသီးအများအပြားထွက်ရှိသော ဒေသများဖြစ်ပါသည်။ ထွက်ရှိလာသောခရမ်းဖြူသီးများကို ဒေသတွင်းရောင်းချသည့်အပြင် ရန်ကုန်သို့လည်းတင်ပို့ရောင်းချကြောင်းသိရပါသည်။
ယခုအချိန်သည် ရာသီစာသီးနှံတစ်မျိုးဖြစ်သည့် ခရမ်းဖြူသီး(ခ)ခရမ်းမီးအုန်းသီးကို ချက်၍စားသုံးသည့်အပြင် နှပ်စား၊ မီးဖုတ်ပြီးလည်း သုတ်စားကြပါသည်။ ရာသီစာဖြစ်သောကြောင့် အရောင်းသွက်လျက်ရှိပါသည်။ ခရမ်းဖြူသီး (ခ)ခရမ်းမီးအုန်းသီးအကြီးတစ်လုံးလျှင် (၁၀၀၀)ကျပ်၊ အလတ်တစ်လုံးလျှင် (၇၀၀)ကျပ်နှင့် အသေးတစ်လုံးလျှင် (၄၀၀)ကျပ်ဖြင့် ရောင်းချကြောင်းသိရှိရပါသည်။
DOCA(ပဲခူး)