တောင်ငူမြို့၊ ညောင်ပင်ဈေးရှိ သားငါးဆိုင်များတွင် ၂၀၂၃ခုနှစ်၊ ဒီဇင်ဘာလ စတုတ္ထပတ်တွင် ကြက်သား (အိမ်မွေးကြက်)မှာ တစ်ပိဿာလျှင် အကောင်လိုက်ဈေး ၁၈၀၀၀ကျပ်၊ အခြမ်း လိုက်ဈေး ၂၂၀၀၀ကျပ်ဖြင့် ဈေးနှုန်းတည်ငြိမ်နေပြီး စီပီကြက်မှာ အကောင်လိုက်ဈေးတစ်ပိဿာလျှင် ၇၀၀၀ကျပ်၊ အခြမ်းလိုက်ဈေးတစ်ပိဿာလျှင် ၈၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။
ဝက်သားရေလွတ်သားမှာ တစ်ပိဿာလျှင် သုံးထပ်သား ၁၄၀၀၀ကျပ်၊ ပေါင်းသား ၁၆၀၀၀ကျပ်နှင့် အသားသီးသန့် ၁၈၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။
ငါးကြင်းမှာ တစ်ပိဿာလျှင် အကောင်လိုက်ဈေး ၁၀၀၀၀ကျပ်၊ အခြမ်းလိုက်ဈေး ၁၄၀၀၀ကျပ်ဖြင့် ဈေးနှုန်းအနည်းငယ်မြင့်တက်လာခဲ့ပြီး ငါးကြင်းဖြူမှာ တစ်ပိဿာလျှင် အကောင် လိုက်ဈေး ၁၇၀၀၀ကျပ်၊ အခြမ်းလိုက်ဈေး ၂၀၀၀၀ကျပ်ဖြင့် ဈေးနှုန်းတည်ငြိမ်နေပါသည်။
ငါးရံ့မှာ တစ်ပိဿာလျှင် ၁၀၀၀၀ကျပ်မှ ၁၄၀၀၀ကျပ်အထိ၊ ငါးခူမှာ တစ်ပိဿာလျှင် ၁၃၀၀၀ကျပ်မှ ၁၈၀၀၀ကျပ်အထိဖြင့် ဈေးနှုန်းတည်ငြိမ်နေပါသည်။
ပုစွန်ဆိတ်မှာ တစ်ပိဿာလျှင် ၁၂၀၀၀ကျပ်ဖြင့် ဈေးနှုန်းတည်ငြိမ်နေပြီး ပုစွန်မှာ တစ်ပိဿာလျှင် ၂၄၀၀၀ကျပ်မှ ၃၅၀၀၀ကျပ်အထိဖြစ်၍ ဈေးနှုန်းအနည်းငယ်မြင့်တက်လာခဲ့ကြောင်း သားငါးအရောင်းဆိုင်များမှသိရပါသည်။
DOCA(ပဲခူး)