မြန်မာ့ရိုးရာအစားအစာတစ်ခုဖြစ်သော ယခုကဲ့သို့ ဆောင်းရာသီအချိန်တွင်သာ ဝယ်ယူစားသုံးနိုင်သော အစားအစာမှာ ပေါင်းတလည်မြို့၏ ဒေသထွက်အစားအစာ ကောက်ညှင်းဆန်ဖြင့် ပြုလုပ်ပြီး ထန်းလျက်ရေလောင်းထားသော မန်းမရွေးဖြစ်ပါသည်။ မန်းမရွေးပြုလုပ်ပုံမှာ ကောက်ညှင်းဆန်ကိုပေါင်း၍ ညက်နေအောင်ထောင်းရပါသည်။ မုန့်သားများညက်သွားလျှင် သစ်သားဒလှိမ့်တုံးနှင့် ပါးပါးလေးရအောင်လှိမ့်ပေးရပါမည်။ မုန့်ပါးပါးများကို နေပူပူ၌ဖြန့်လှန်းထားပြီး မုန့်သားအထပ်ထပ်ရှိလာသည့်အခါ ကတ်ကြေးကိုဆီသုတ်၍ အရွယ်တော်ညှပ်ရပါမည်။ ထို့နောက် ခြောက်သည်အထိနေလှန်းပြီး သဲပူပူ၌ာ ပြန်၍လှော်ရပါသည်။ ထိုအခါ မုန့်များပွလာ၍ အချောင်းလေးများဖြစ်လာကာ ပေါက်ဆေးကျအောင်ကျိူထားသောထန်းလျက်ရည်ကို သမအောင်လောင်းပေးရပါသည်။ ထိုသို့ပြုလုပ်ပေးခြင်းဖြင့် လူတိုင်းကြုက်နှစ်သက်သော မြန်မာ့ရိုးရာအစားအစာ မန်းမရွေးကိုရရှိမည်ဖြစ်ပါသည်။
မန်းမရွေးဈေးနှုန်းအနေဖြင့် တစ်ဆယ်ကျပ်သားလျှင် (၁၀၀၀)ကျပ်၊ တစ်ပိဿာလျှင် (၁၀၀၀၀)ကျပ်ဖြင့် ဈေးကွက်အတွင်း လက်လီရောင်းချနေကြောင်းသိရပါသည်။ စားသုံးသူများမှာ ရာသီချိန်အစားအသောက်ဖြစ်သည့်အတွက် ဝယ်ယူစားသုံးကြကြောင်းသိရပြီး အရောင်းအဝယ်လည်းသွက်လျက်ရှိကြောင်းသိရပါသည်။ ထိုလုပ်ငန်းကိုလုပ်ကိုင်သူများအနေဖြင့်လည်း ရာသီချိန်လုပ်ငန်းတစ်ခုဖြစ်သည့်အားလျော်စွာ အမြတ်အစွန်းများလည်းရရှိကြောင်းသိရပါသည်။
DOCA(ပဲခူး)